Insidente ne’e mosu iha loron tersa (09/03), maizumenus tuku 15:00 oras lorokraik, bainhira pesoál sira tula hela foer husi kapitál nasaun ba soe iha lixu fatin Tibar.
Portavóz Komandu Jerál PNTL, Superintendente Arnaldo de Araújo esplika, akontesimentu ne’e mosu, bainhira membru sira halo hela pass revista "cheek point" ba kamioneta ida ne’ebé tula foer.
"Komandu nia haree atitude ida ne'e la justu, ho ida ne'e mak komandu jerál PNTL, orienta ona komandante Unidade Epesial Polísia (UEP), hodi loke prosesu investigasaun imediata ba membru atubele hatene nia envolvimemtu to'o iha ne'ebé, no nia asaun ne'e halo nusá", dehan nia iha Kuartel Jerál PNTL, Kaikoli, kuarta (10/03).
Ho atetude joven na'in-rua ne'e tuur fali iha kapaun leten, nune'e membru sira fó xamada atensaun ba sira dala-tolu ona, maibé nafatin la kumpri, no ikus mai membru BOP ida bolu sira tun husi karreta leten ni haruka sira na'in-rua halo ezersísiu ba malu.
"Haruka sira na'in-rua basa-malu, maibé membru ne'e haree sira basa-malu la maka'as, entaun membru fó ezemplu, ida ne’e mak ema balun halo viral iha mídia sosiál mak kamandu hakarak ko’alia lolos kronolojia kona-ba ida ne'e", Komadante Arnaldo konta.
Nia mós rekoñese, durante ne'e iha membru barak mós hala'o seguransa iha terrenu la tuir lei ne'ebé vigora, maibé PNTL iha nia lei dixiplinár rasik hodi bele regula no prosesa membru sira bainhira halo sala.
"Prossesu investigasaun mak ita bele hatene, membru ne'e nia atuasaun ne'e halo nusá", hatete nia.(*)
