“Ita iha nasaun ida ne’ebé maioria ita-nia sidadaun ne’e joven, entaun ita halo nusa mak kria mekanizmu para halo kontrolu ne’e di’ak liu”, tenik Primeiru Ministru, Taur Matan Ruak, iha Palásiu Prezidensiál Bairru-Pité, Kinta (4/4).
Xefe Governu kongratula instituisaun Estadu ne’ebé hakbiit-aan para bele deteta no kaer, inklui sidadaun sira para labele monu ba tetasaun sira hanesan ne’e.
“Hanoin katak buat sira ne’e prejudika ita-nia sosiedade liu-liu ita-nia joven sira, ita labele monu ba tentasaun ida ne’e. Estadu kontinua reforsa mekanizmu institusional para haforsa liután ita-nia kontrolu ba buat aat sira ne’e”, dehan Matan Ruak.
Entretantu, Komandante Jerál PNTL, Komisáriu Faustino da Costa dehan, droga ne’ebé tama ne’e liu husi aeroportu Nicolau Lobato, entau komesa prepara-aan no buka meius oinsa para asegura kestaun ne’e iha futuru.