“Ami-nia hanoin dadaun ne’e, mak ho povu Kubanu, liliu, ba ema hotu ne’ebé pesoalmente afeta husi inséndiu terrivel ida-ne’e no ami-nia saudasaun ba sira ne’ebé iha kondisaun ne’ebé susar tebe-tebes kontinua kombate inséndiu ne’e, hodi tulun populasaun sira ne’ebé afeta husi katástrofe ida-ne’e”, dehan Portavóz Governu Konstitusionál daualu, Ministru Fidelis Magalhães, liuhusi karta ne'ebé www.tempotimor.com, asesu segunda (08/08).

Tanba rai-lakan kona tanke armazén kombustivel nian ida, iha loron sesta (05/08), hodi provoka inséndiu ida ne’ebé da’et mós ba tanke daruak iha loron sábadu, rezulta pelumenus ema ida mate, kanek 121 no na’in-17 lakon. Abitante rihun-ida-resin ne’ebé hela iha área refere evakua ona.

Tanke rua ne’ebé ahi-hán ne’e, nu’udar parte husi área ida armazén kombustivel nian ho tan tanke neen ne’ebé uza ba produsaun eletrisidade nian. (*)