Lugu Simu Ezonerasaun Nakonu ho Lamentasaun

Eis PA RAEOA, Dr. Jose Luis Guterres Lugu ko'alia hela ba ninia asesor sira iha gabinete ZEESM Eis PA RAEOA, Dr. Jose Luis Guterres Lugu ko'alia hela ba ninia asesor sira iha gabinete ZEESM Foto Arkivu

Tempotimor (Dili)- Diplomata senior José Luis Guterres, simu desizaun governu ne’ebé ezonera nia husi kargu Prezidente Autoridade Rejiaun Administrativa Espesiál Oecusse Ambeno (RAEOA), maibé, nakonu ho lamentasaun tanba seidauk realiza ninia mehi atu korre povu atoni husi kiak.

“Ha'u pesoalmente lamenta tebes, maibé, ha'u tenke simu tanba ne'e ita nia governu nia desizaun.  Ha'u nia lamentasaun tanba hare ba inan-aman sira Oecusse ne'ebé terus teb-tebes no ha'u durante fulan hitu laiha posibilidade atu reaponde sira nia moris, tanba ita hotu moris ho orsamentu duadésimu”, dehan Lugu liuhusi konferénsia impresna iha gabinete Farol, Kuarta (10/06).

Nia husu ba Prezidente Autoridade nomeadu atu tau matan ba povu atoni ne'ebé laiha bee, servisu laiha, estrada ba foho mós ladi'ak, no moris terus liu. 

Lugu aproveita mós hodi agradese ba Primeriu Ministru (PM), Taur Matan Ruak, ne'ebé fó ona fiar durante fulan neen no dezeja susesu ba Primeiru Ministru ho membru VIII governu tomak, inklui susesu ba Prezidente Autoridade nomeadu. 

Tuir observasaun tempotimor.com nian iha terrenu katak, desde Konsellu Ministru ezonera Lugu, nia deside kedan hodi uza karreta privadu marka mini pajero ho xapa martikula 24-592 no la uza kareta estadu numeru matríkula OO1-899 ZEESM-TL.

Rate this item
(2 votes)
Last modified on Thursday, 11 June 2020 00:18
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.