Tempotimor (Dili)-Primeiru Ministru (PM), Taur Matan Ruak, fahe esperiénsia ba FALINTIL-Forsa Defeza Timor-Leste (F-FDTL), iha komemorasaun Loron Nasionál Veteranu, iha loron 3 fulan-marsu.

“Enkontru ida ohin, como serimóonia laiha, tanba 3 de Marsu monu loos iha tempu elisaun, entaun Governu deside para altera, tanba ne'e mak ha'u aproveita oportunidade ida ne'e, ha'u halo pedidu ba Ministru Defeza, no Xefe Estadu Maior Jenerál F-FDTL para organiza hodi realiza enkontru ne'e hodi ha'u bele fahe esperiénsia balun, ba F-FDTL”, dehan Taur, iha Kuartel-Jenerál F-FDTL, Fatuhada, kinta (03/03).

Ba topiku ne'ebé PM Taur ko'alia iha palestra ne'e, papel veteranu sira nia iha prosesu dezvolvimentu nasionál, maibé troka fali hodi fahe esperiénsia militar nian kona-ba oinsá mak halo funu, no manán funu.

“Ha'u troka hodi ko'alia liu esperiénsia militar sira-nian, oinsá mak halo funu, no manán funu fó lisaun sira ne'e ba ita-nian ofisiál, superiór, sarjentu, prasa sira hotu ne'ebé disponivel hodi tuir, tantu PNTL ho F-FDTL para sira intende oituan, no buka referénsia oituan hodi hatene ita-nia istória,” afirma nia.

Ho palestre ne’ebé halo hanesan orgullu, tanba partisipante sira hotu manifesta atu rona, no sira husu ida ne'e bele transmite ba joven, politiku, forsa no polísia sira.

“Ha'u konkorda ho ida ne'e, espera katak tempu oin mai, ita hotu halo esforsu para pasa referénsia istoriku ba malu husi jerasaun ida ba jerasaun seluk”, hatete nia.

Maibé ho Loron Veteranu fó omenajen ba sira ne’ebé husi ona mundu hodi entrega nasaun ida Timor-Leste ba Timoroan hotu atu moris livre no independente.

“Ami hotu ne'e fó homenajen ba sira hotu ne'ebé mate no liu ona ba mundu seluk hodi husik hela ita no husik hela nasaun nia moris, espera katak sira-nia klamar bele hetan hakmatek iha ne'eba no kontinua tulun ita nafatin atu kontinua ita-nia jornada iha mundu ne'e”, dehan nia. (*)

Tempotimor (Díli)-Sekretáriu Jerál Partido Demokrátiku (PD), António da Conceição hatete, PD deside la halo atividade kampaña Eleitorál, iha loron kinta (03/03), tanba loron espesiál ba veteranu ne'ebé ba luta ukun rasik-an.

Tempotimor (Baukau)-Konsellu Veteranu Munisípiu Baukau sente triste, tanba Governu la fó orsamentu ba Munisípiu Baukau atu realiza seremonia loron veteran iha loron 03 Fulan-Marsu tinan 2022.