Adriano do Nasimento,

MNEK La Partisipa Embaixadór Simu Posse

August 13, 2019

Tempotimor (Dili) – Bankada Demokrátiku (PD) preokupa tanba Ministru Negósiu Estranjeiru no Kooperasaun (MNEK), Deonisio Babo la marka prezensa iha serimonia tomada de posse ba embaixadór na'in tolu ne'ebé reprezenta Timor-Leste iha Brazil, EUA no Nova Zelándia.

"Ohin Prezidente Repúblika (PR) fó posse ba embaixadór na'in tolu. Ha'u rona katak Ministru Negósiu Estranjeiru no Kooperasaun la marka prezensa iha tomada posse ne'e," dehan deputadu Bankada PD, Adriano do Nascimento iha plenaria, Tersa (13/08/2019).

Deputadu ne'e preokupa, tanba Timor-Leste haruka nia ema ba estranjeiru, maibé ministru ne'ebé tutela la marka prezensa.

"Ha'u preokupa katak ita haruka ita nia embaixadór ba ema nia rai, maibé ministru ne'ebé toma konta ba ida ne'e, la marka prezensa. Sera que, ida ne'e parte ida husi boikota malu ka oinsá. Se hanesan ne'e, imajen ladún di'ak se PR fo pose, depois ministru ne'ebé toma konta la marka prezensa," Adriano hatete.

Hatan ba preokupasaun deputadu Adriano do Nascimento nian, portavoz governu dehan, MNEK la simu konvite husi PR.

Embaixadór na'in tolu ne'ebé ohin, Tersa (13/08/19) hetan tomada posse husi Prezidente Repúblika, mak Olimpio Branco nu’udar Embaixadór TL ba Brazil, Isilio Coelho nu’udar Embaixadór TL ba Estadus Unidos Amérika no Lisualdo Gaspar nu’udar Embaixadór TL ba Nova Zelándia.

Embaixadór na'in tolu ne'e mós hetan knaar liuhosi Dekretu Prezidente Repúblika númeru 36/2019, 37/2019 no 38/2019, nomeia husi VII Governu hamutuk ho embaixadores nain tolu seluk mak Governu VIII hasai tiha husi lista proposta AMP ninian.

Prokurador Jeral da Republika, Jose da Costa Ximenes

Politika

Kazu Kalbuadi, Deputadu PD Duun PJR Hamosu konfujaun

July 31, 2019

Tempotimor (Dili) – Kazu eis membru Asembleia Konstituante hosi partidu FRETILIN atual Sekretariu Jeral partidu CNRT, Francisco Kalbuadi Lay nakfila ba debate manas durante Prokurador Jeral Repúblika (PJR), José ba aprezenta relatóriu annual Ministériu Públiku nian iha Parlamentu Nasionál (PN).

Lideranca Partidu Demokratiku, Mariano Asanami Sabino, Antonio da Conceicao ho Adriano hamutuk hela

Politika

PD Afavór Ba TFM

July 17, 2019

Tempotimor (Dili): Bankada Demokrátika iha Parlamentu Nasionál (PN) promete sei fó votus afavór ba ratifikasaun Tratadu Fronteira Marítima (TFM) liuhusi proposta lei haat ne'ebé durante loron rua (16-17 Jullu 2019) aprezenta iha PN.

"Ami nia votu mak ne'e. Ba buat ne'ebé partikular ne'e ita sei deskute. Mas ba povu tomak ninian ne'e, ita nunka se bele deskute," hatete Prezidente Bankada PD, António da Conceição iha PN, Kuarta (17/07/2019).

Deputadu ne'e dehan, partidu eziste atu defende interese ema barak nian, la'ós grupu balun nian.

"Se ha'u mak hari'i partidu ida, hodi hanoin de'it ba grupu, ha'u mós husu ba povu lalika vota ba ami. Maibé, ami fó ami nia votus afavór tanba kestaun ida ne'ebé mak ko'alia kona-ba fronteira marítima ne'e la'os interese grupu nian. Ne'e problema povu ida ne'e nian no sira ne'ebé aban bainrua sei moris mai nian. Ne'ebé ita lalika deskute buat ne'e," António hatete.

Tuir deputadu ne'e, maske leis hirak ne'e imposivel atu deskute hotu iha loron rua nia laran, maibé importante haree ba prinsipiu jerais lei ne'e, atu benefisia ba se.