Print this page

PAM Baukau Apresia Servisu VIII Governu

Prezidente Autóridade Munisípiu (PAM) Buakau, Olivio Freitas. Prezidente Autóridade Munisípiu (PAM) Buakau, Olivio Freitas. Foto Tomas Freitas

Tempotimor (Baukau)-Prezidente Autóridade Munisípiu (PAM) Buakau, Olivio Freitas apresia servisu VIII Governu Konstituisionál nian ne'ebé lidera husi Primeiru Ministru (PM), Taur Matan Ruak.

"Nundar Prezidente Autoridade Munisípiu ha'u apresia ba Primeiru Ministru no membru Govérnu tomak dedikasaun servisu no protidaun ba ita nia nasaun maske hasoru dezafiu nune'e povu Baukau tomak apresia PM nia prezensa iha Baukau,"dehan nia iha salaun sentru konvensaun vila antiga Baukau, kinta (06/01).

Tanba, durante akompañia no observasaun ba VIII Governu ne'ebé lidera husi MP Taur Matan Ruak tuun direita ba povu sira nia leet kada Munisípiu hodi haree direita problema ne’ebé komunidade sira hasoru.

PM Taur Matan Ruak ne’ebé tuun direita ba kada Munisípiu hodi rona direitemente povu nia aspirasaun, nia parte konsidera Taur hadomi duni povu Timor-Leste.

Louva nafatin servisu VIII Governu nian, tanba hatudu rejultadu servisu iha dimensaun instituisionál sosiu ekonomia di'ak, inklui kria legalidade impreza públiku ba iha TL liuhusi Autóridade nasionál ba bee moos no eletrisidade.

"Ikus liu ha'u apresia Primeiru Ministru ho komitiva tomak nia prezensa ba vizita traballu iha dilogu ne'e," nia akresenta

Nune'e, rekomenda ba PM Taur atu Munisípiu Baukau mós bele hola parte iha ajenda esensial ba implementasaun lei podér lokál. (*)

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items