"Joven sira no ema intelektuais sira iha Kelikai, liu liu veteranu sira antigus Kombate Libertasaun Nasionál ajuda Xefe Suku no Xefe aldeia sira buka solusaun adekuadu para rezolve, la'ós impede projetu la la'o", dehan nia iha Sede Suku Abafala, Postu Administrativu Kelikai, Munisípiu Baukau sexta (09/12).
Nia dehan, kuandu impede projetu, signifika veteran mak hakarak sai inimigu ba dezenvolvimentu iha Timor laran tomak.
"Se halo funu hotu mak dezenvovimentu impede fali, ne'e labele, ne'e la'ós ema espíritu nasionalismu no patriotismu ne'ebé di'ak", nia dehan.
Nune’e, husu ba ema hotu iha Postu Administrativu Kelikai tenke kontribui ba dezenvolvimentu.
Tanba, Reabilitasaun ba estrada diresaun Kelikai ba Ossu, hetan ona lansamentu ofisial ba fatuk dahuluk husi Primeiru Ministru, Taur Matan Ruak, iha loron sexta 09 fulan-dezembru tinan 2022, ne’ebé sei implementa husi kompaña internasional Chonquing Internasionál Construction Corporation (CICO). (*)
