Atividade Avaliasaun ne'e hala’o iha Suku Soru, Postu Administrativu Lospalos Vila, Munisípiu Lautein, dirije husi Sekretáriu Estadu Kooperativa (SEKoop), Elizário Ferreira, hodi haree ba servisu internál iha tinan 2021.
Asesór SEKoop, João Dias hatete, atividade avaliasaun ne'e ba diretór sira no kargu Xefia sira internal iha SEKoop nian.
"Atividade ohin ne'e halo ba kargu Xefia sira, diretór sira, durante loron rua, ba membru sira mós la bele akompaña”, dehan asesór ba www.tempotimor.com, iha Lospalos, egunda (06/12).
Atividade avaliasaun ne'e durante loron rua hahú iha loron 06-07 fulan-dzembru tinan 2021.
Antes ne'e Diretór Jerál SEKoop, Francisco Xavier hatete, atividade ne'e atu reve filafali atividade sira ne'ebé mak realiza ona.
"Husi loron 06-07 fulan-dezembru ne'e atividade internál Diresaun Jerál no Kargu Xefia sira maibé loron 08-09 fulan ne'e hamutuk ho Kooperativa sira, durante ne'e servisu la'o ladún di'ak karik ita atu avalia ida ne'e”, dehan nia.
Iha atividade ne'e Partisipa Sekretáriu Estadu Kooperativa (SEKoop), Diretór Jerál Inspetor SEKoop Xefe Gabinete, Kargu Xefia inklui Asesor sira. (*)