“Ne'ebé parlamentu mós iha posibilidade atu kria plenária estraordinária hodi konvida filafali deputadu sira ne'ebé mak ba resesu bele mai filafali hodi fó autorizasaun ba estadu emerjénsia ba dala-16”, dehan nia iha PN, kinta (22/07).
Tanba iha loron kuarta (21/07) governu liuhusi Konsellu Ministru (KM) aprova ona deklarasaun Estadu Emerjénsia ba dala-16, ne'ebé sei haruka ba Prezidente Repúblika (PR), Francisco Guteres ‘Lú Olo’, atubele deside iha reuniaun Konselhu Estadu nian, hafoin husu autorizasaun ba PN.
Parlamentu Nasionál fiar katak, deputadu sira ne'ebé resesu ne'e, hothotu sei partisipa debate EE ne'e.
“Iha loron 15 fulan-jullu bainhira deputadu sira resesu mós parlamentu deklara kedan, katak bainhira mosu nesesidade governu no estadu nian urjente deputadu sira tenke kumpre atu kria plenária extraordinária.
Iha fatin hanesan Membru Komisaun Permanente husi Bankada FRETILIN, deputadu José Agustinho Sequeira ‘Somotxo’ hatete, nia parte apoiu tanba estadu emerjénsia ne'e importante atu utiliza ba suspende ema nia diretu oinsá bele kombate covid-19 iha rai laran.
Haree ba lei hothotu iha Timór-Leste tantu konstituisaun mós laiha dalan atu suspende ema nia diretu, tanba deklarasaun estadu emerjénsia de'it mak bele regula.
“Ida ne'e mak deklarasaun estadu emerjénsia ne'e hakarak ka lakohi tenke halo, se sidadaun sira, ou deputadu, polítiku sira lakohi deklarasaun estadu emerjénsia laiha nesesidade, rai ne'e sei tama iha rai naruk”, hatete nia. (*)