Uma-kain 167 Iha Kassa Rezeita Simu Sesta Bázika

Ai-han Sesta Bázika. Ai-han Sesta Bázika. Foto Suplay

Tempotimor (Ainaru)-Komunidade uma-kain hamutuk 167 iha Aldeia Mausuku Arte-moris, Suku Kassa, Postu Ainaro Villa, Munisípiu Ainaro, rezeita simu ai-hán Sesta Bázika ne’ebé distribui husi kompaña fornesedór.

“Agora, iha Ainaro, ami iha Suku 21, postu 4, iha aldeia 131. Entaun, so ke iha aldeia ida de'it mak iha problema oituan, parese ami karta ou relatóriu to'o ona iha exelénsia sekretária estadu nia liman, so iha Ainaro, iha de'it postu administrativu Ainaro, Suku Cassa, Aldeia Mausuku Arte Moris, maka sira rezeita totál, sira lakohi simu ai-hán ne'ebé mak fahe husi kompaña”, informa Pontu Fokál Programa Sesta Bázika iha Ainaro, Manuel Ramos Pinto, sesta (09/07).

Nune'e, komunidade hirak ne'ebé seidauk simu ai-hán ne'e ho totál Xefe família iha 167, no membru família iha 766 ne'ebé seidauk aseita hodi simu ai-hán sesta bázika.

“Entaun, iha momentu iha Kassa nian, komapaña distribui iha ne'ebá, iha Xefe família 18, sira-nia naran iha lísta, maibé momentu ne'e sira la konsege foti sira-nia direitu. Ho ida ne'e mak totál ami tau iha ne'e, membru família 833 mak seidauk simu. Maibé iha Kassa ne'e, ami labele hatete dehan katak reklamante, tanba la'ós kompaña mak lakohi fó ka, la'ós ita mak lakohi fó, maibé sira mak rejeita dehan, sira nia razaun dehan, kustu sasán ne'ebé mak fó, la to'o US$50”, dehan nia.

Ho problema ne'e, autoridade Munisipal Ainaro, hato'o iha relatóriu ba SEKoop no Ministériu Administrasaun Estatál (MAE) hodi buka solusaun.

"Ami-nia esforsu durante problema ne'e mosu ami ba halo aproximasaun, relatóriu ami hato'o ona ba MAE, ho SEKoop, e ami hein filafali desizaun husi leten tun mai, oinsá. Ha'u hanoin ida ne'e mak relatóriu badak husi ha'u”, hatete nia.

Ba preukupasaun ne'e, Sekretáriu Estadu Kooperativa (SEKoop), Elizário Ferreira hatete, kada sidadaun iha direitu atu hato'o nia pozisaun entre simu no lasimu, maibé desizaun tomak SEKoop sei entrega ba Ministériu Koordenadór Asuntu Ekonómiku (MKAE), tanba nia mak hanesan ezekutór.

“Relatóriu ida aldeia ida la simu ne'e, direitu. Populasaun iha direitu tomak atu rezeita simu, tanba iha lei mós ko’alia. Kuandu la rezeita ona, parte implementadór rekomenda ba MKAE, hanesan ezekutór, nia bele deside atu fó ba ne'ebé”, afirma nia.

Entretantu, ai-hán Sesta Bázika nu'udár programa ne'ebé realiza atu halo rekuperasaun ba ekonómia povu ne'ebé menus durante hasoru problema globál Covid-19 iha Timor-Leste.

Populasaun sira iha munisípiu 7 ne'ebé sai responsábilidade SEKoop nian hodi halo distribuisaun ai-hán sexta bázika mak hanesan, Covalima, Ainaro, Aileu, Manufahi, Likisá, Manatutu ho Lautein.

Maske nune'e, Munisipiu Covalima, Likisá ho Ainaro mak ofisialmente SEKoop halo ona enseramentu ba distribuisaun. (*)

Rate this item
(0 votes)
Last modified on Saturday, 10 July 2021 19:29
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« September 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30      

Tempo Timor Networks

Online Counter