"Ha’u hakarak hasa'e (Polísia) sira-nia saláriu enjeral, la'ós de'it ba sira fronteira de'it maibé polísia hototu”, dehan Olinda ba www.tempotimor.com iha Parlamentu Nasionál (PN), tersa (06/07).

Bankada KHUNTO haree katak Polísia ho forsa sira balun, sira-nia servisu todan, tanba husik hela família iha foho, hodi desloka ba servisu iha fronteira no fatin sira seluk tuir orientadaun.

"Aloka ba ne'eba, kastigu sira-nia an, hamrik iha loron manas, buka tuir dalan tikus sira ne’ebé ema tama sai, sira hein to'o mate didi’ak, depois sira-nia saláriu ha’u rona dehan nafatin hela de'it”, hatete nia.

Tanba ne'e, husu governu atu haree kestaun saláriu ba polísia sira oinsá bele sustenta nesesidade família sira iha foho. (*)