"Governu kompromete atu kontinua halo esforsu hodi kria infraestrutura hodi alkansa meta ne'ebé iha, katak timoroan hotu inklui hirak ne'ebé hela iha área remota sira, sei asesu informasaun ho kualidade”, dehan Ministru Francisco Jerónimo, hafoin halo sensibilizasaun kona-ba prosesu Instalasaun sistema DTMB iha Likisá, sábadu (03/07).
Tanba durante ne'e RTTL,ep sei uza sistema analog, nune'e Governu sei halo transformasaun ba sistema dijitál tuir plataforma moderna, ne'ebé mundu adopta, hodi garante kualidade informasaun ba povu husi nivel nasionál to'o iha baze
Ba tinan 2021 instalasaun sistema dizital sei iha faze rua, faze dahuluk sei kobre iha Munisípiu Likisá no faze daruak sei iha Munisípiu Dili inklui kailako-Ermera no Aileu.
"ba tinan 2021 instalasaun sistema dijitál sei hala'o iha faze rua, iha ne'ebé faze dahuluk sei kobre rihun 8 ba munisípiu Likisá no ba faze daruak sei kobre rihun 20 ne'ebé sei destinadu ba munisípiu Dili inklui Kailako no Laulara-Aileu, tanba instalasaun ne'e halo bazeia ba signal ne'ebé iha”, hatete nia. (*)