Login to your account

Username *
Password *
Remember Me

RTTL Sei Reforsa Transmisaun Rádiu PN ba Munisípiu

Prezidente RTTL,ep, José António Belo ‘Taraleu’. Prezidente RTTL,ep, José António Belo ‘Taraleu’. Foto Tempo Timor

Tempotimor (Dili)-Rádiu Televizaun Timor-Leste.empreza públika (RTTL.ep) sei apoiu no reforsa transmisaun Rádiu Parlamentu Nasionál (PN) nian ba Munisípiu hotu.

Tanba ne'e, iha loron kuarta (16/06), Sekretáriu Jerál Parlamentu Nasionál (PN) selebra nota entendimentu ida ho Prezidente RTTL,ep, José António Belo ‘Taraleu’.

Sekretáriu Jerál PN, Adelino Afonso de Jesus hatete, finalidade asinatura memorandu entendimentu entre  PN ho RTTL,ep atu hadi'a di’ak liután kondisaun transmisaun frekuénsia Rádiu PN nian hodi alkansa ba iha Munisípiu.

"Ami-nia alkansa ne’e ninia persentajen ki'ik teb-tebes, purtantu finalidade husi asinatura memorandu entendimentu ida ne'e, para atravez de RTTL,ep utiliza fasilidade sira ho aluga buat sira ne’ebé la'o tuir RTTL,ep nia ain fatin, nune'e alkansa nia frekuénsia ne'e bele luan liután, hanesan mós bele alkansa, mínimu agora audensia 70% de todo territóriu nasional”, dehan nia iha PN, kuarta (16/06).

Kooperasaun ne’ebé PN halo ho RTTL,ep, normalmente nia orsamentasaun ne'e to'o tinan rua, maibé depende ba evuluasaun, enkuantu ninia kooperasaun entermu tékniku sei kontinua la'o.

"La siknifika tinan rua ne'e hotu ona ne'e lae. Tinan rua ou tinan 3 ha’u ladun fiksu, maibé ninia orsamentasaun ne'e ba tinan 2, e depois depende ba nia evoluasaun , mais nia kooperasaun entermus tékniku sei kontinua nafatin, labele remata ho ida ne'e”, dehan nia.

Iha fatin hanesan Prezidente RTTL,ep José António Belo ‘Taraleu’ hatete, nia parte apresia ba konfiansa no kooperasaun ne’ebé fo husi PN ba RTTL,ep.

Nu’udar instituusaun Estadu, RTTL,ep sei asume responsabilidade ida ne'e hodi bele ajuda PN nia programa to'o iha baze, liliu aluga satelit, ho frekuénsia RTTL nian, atubele ajuda rádiu Parlamentu nia ba Munisípiu sira.

"Ne'e kooperasaun ida ba Parlamentu, tanba parlamentu orgaun estadu, agora RTTL ne'e instituisaun estadu ida, ne'ebé kontribui ba Parlamentu”, hatete nia.

Husi parte RTTL mós prepara ona ekipa tékniku sira atubele avansa iha tinan 2021 nia laran. (*)

Rate this item
(0 votes)
Last modified on Wednesday, 16 June 2021 15:42
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2023 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter