Loron 20 Juñu, Governu Sei Halo Pagamentu ba Idozu

Vise Ministra Solidariedade Sosiál no Inkluzaun, Signi Candrawati Verdiál. Vise Ministra Solidariedade Sosiál no Inkluzaun, Signi Candrawati Verdiál. Foto Tempo Timor

Tempotimor (Dili)-Governu liuhusi Ministériu Solidaridade Sosiál no Inkluzaun (MSSI) ho Institutu Nasional no Seguransa Sosiál (INSS) inklui Banku Nasional Komersiu Timor-Leste (BNCTL) deside sei hala'o pagamentu ba idozu sira iha loron 20 fulan-Juñu tinan 2021.

Vise Ministra Solidariedade Sosiál no Inkluzaun, Signi Candrawati Verdiál hatete, dadaun ne'e, MSSI hahú hala'o diskusaun ho Ministériu Administrasaun Estatal (MAE) no xefe suku sira kona-ba pagamentu idozu no ema defisiénsia sira.

“Pergunta kona-ba subsídiu ba ema idozu ho difisiensia sira, atu informa iha ne'e katak tuir orariu ita sei halo pagamentu iha dia 20 de juñu, ita sei la kansela diretu ne’ebé idozu no difisiensia sira iha, diskusaun ita halo hela ho Ministériu Administrasaub Estatal (MAE), ho xefe do suku sira”, afirma Signi iha diskusaun kona-ba estratéjia ba prevensaun covid-19 iha plenária  PN, segunda (14/06).

Enkuantu, iha loron 13 fulan-juñu, tékniku sira husi MSSI halo ona kordenasaun ho Sentru Intergradu Jestaun ba Krize (SIJK) hodi haree ba munisípiu sira ne'ebé risku ba propagasaun covid-19, nune'e bele halo jestaun interna atu limita pagamentu sira.

“Maizoumenus loron ida normalmente ita bele selu to'o 400 pesoál, ita bele limita ba 200 hanesan ne'e, ida ne'e mak servisu ne’ebé tékniku sira sei halo”, dehan nia.

Iha fatin hanesan deputada bankada CNRT, Maria Fernanda Lai hatete, durante iha implementasaun regra estadu emerjénsia, serka sanitária inklui konfinamentu obrigatório, fó mós konsikuénsia todan ba ema idozu nomós defisiente ne’ebé banku rasik kansela ka adia pagamentu ba sira.

“Oinsá ho sira-nia subsistensia, sira laiha empregu, la tama iha subsídiu ne’ebé governu tau iha lei ba covid ou rekuperasaun ekonomika, halo nusa para hodi bele fó mius ba sira atu moris, sira lakoi tane liman ba governu”, dehan nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« July 2021 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter