“Ne'e buat ida que lamenta. Lamenta tebes komunikasaun polítika entre elite polítika sira tanba la hatudu unidade nasionál iha nasaun ida ne'e”, deklara José Luís Oliveira iha nia servisu fatin Farol, sesta (21/05).
Haree ba líder polítiku no elite polítika sira laiha komunikasaun ne'ebé di'ak tanba ne'e kria espasu diálogu polítika entre líder sira.
Aliende ne’e, nia mós amenta ho deklarasaun Ministru Prezidénsia Konsellu Ministru (MPKM), Fidélis Magalhăes ne’ebé orienta Jornalista atu konfirma Xanana Gusmão ne'ebé halibur ema iha Tasitolu.
Tanba dekretu governu ne’ebé deside aplika Serka Sanitária no Konfinamentu Obrigatóriu iha kapitál Dili hodi bandu movimentu no halibur ema barak, maibé Xanana Gusmão halibur nafatin komunidade sira, Ia hetan asaun husi autoridade seguransa.
Antes ne’e, iha loron kuarta (19/05) jornalista konfirma assuntu kona-ba Prezidente Partidu CNRT, Xanana Gusmão ne'ebé kontra regra konfinamentu obrigatóriu ba Ministru Prezidénsia Konsellu Ministru (MPKM), Fidélis Magalhăes maibé husi jornalista ba konfirma rasik.
“Timor ne'e, ki'ik hela, husi ne'e ba Tasitolu Ia dook, ne'ebé Ita-boot (jornalista) konfirma diretamente ho señor Kay Rala Xanana Gusmão, tanba ami Ia presiza komenta kona-ba ida nee”, dehan Fidelis momentu iha Ministeriu Finansas Ai-tarak Laran, kuarta (19/05). (*)