Nia dehan, ema hotu haree rasik Governu hatudu de’it inkapasidade ne'ebé boot, hodi hamoris liután inefisiénsia no irresponsabilidade, ukun ida ne’ebé halo povu terus tebes.

“Governu ilegál ne’e aproveita pandemia Covid-19 hodi impõem de’it sira-nia hakarak no obriga hamosu hela de’it estado de emergênsia no kria tan konfinamentu ne’ebé la hothotu, hodi difikulta liután povu-nia moris”, deklara nia liuhusi komunikadu imprensa iha PN, kuarta (19/05).

Maske, governu deside halo estadu emerjénsia inklui aplika tán serka sanitária, maibé governu rasik la halo esplikasaun di'ak atu ema bele komprende.

"Maski Governu de-faktu liuhosi asalto poder, aprova tiha ona orsamentu ho valor osan 2.1 biliões de dólare, povu kontinua terus no ita tama dadaun iha tinan 2021 nia klaran”, afirma nia.

Iha parte seluk, Deputadu bankada PLP, Francisco de Vasconselho dekara, kona-ba kestaun covid-19 ne'ebé mak mosu, ne'e la'ós povu de'it mak halerik maibé mundu tomak mós halerik.

Nune'e tuir deputadu ne'e, Timor-Leste halerik ba pandimeia golabál tanba nia mai impede totál atividade hothotu.

"Mais governu estadu tenta para orgaun estadu sira ne'e tenke funsiona nafatin, entaun ita buka meiu, buka maneira para povu labele mate ba covid-19 mais povu mós labele mate ba hamlaha”, dehan nia.

Maibé, iha situasaun ne'e governu konsrteza hakarak kombate covid-19, tanba hasoru tan dezastre naturál, entaun buat rua ne'e hotu governu mós sempre buka solusaun hotu.

"Ita foin lalais halo orsamentu rektifikativu ne'e para hatan ba kalamidade, aumesmu tempu ba mós fundu covid-19 nian, rua ne'e la'o dala ida”, informa nia. (*)