Login to your account

Username *
Password *
Remember Me

Konfinamentu Domisiliáriu, Motorista Transporte Públiku Greve

Mikrolet sira ne'ebe para hela iha liuron besik Palasiu Governu, Sexta (30/4) Mikrolet sira ne'ebe para hela iha liuron besik Palasiu Governu, Sexta (30/4) Foto Tempo Timor

Tempotimor (Dili)- Motorista transporte públiku liuliu Mikrolete 01 to'o 12 halo asaun greve no protesta desizaun governu nian ne'ebé reativa konfinamentu Domisiliáriu Jerál hodi hapara movimentu iha kapitál Dili, sesta (30/04).

Tanba, reiuniaun Konsellu Ministru iha loron 29 fulan-abril aprova rezolusaun hodi impozisaun konfinamentu domisiliáriu jerál ba iha kapitál Dili.

Ho ida ne’e, populasaun tenke hela iha uma ka iha sira-nia alojamentu temporáriu, tuku 00:00 loron 30 fulan-abril tinan 2021 no tuku 23:59 loron 13 fulan-maiu tinan 2021.

Iha rezolusaun ne’e mós bandu atu transporte públiku sira hala’o movimentu iha área sira hotu iha Munisípiu Dili, liuliu, mikrolets, biskota, taksi sira no anguna sira.

Maibé iha loron 30 fulan-abril kuaze tuku 09:00 otl, motorista sira konsentra hamutuk iha palásiu governu oin hodi ezije governu atu labele hapara movimentu transporte públiku.

Motorista Angelino Soares hatete, sira-nia parte ezije,, tanba nesesidade mak obriga, la'ós lakohi kumpri regra serka sánitaria.

"Ami mai iha ne'e, tanba nesesidade mak obriga, ohin dadersan ami halo greve", dehan nia iha Palásiu Governu oin, sesta (30/04).

Iha situasaun ne'e, Polísia Nasionál Timor-Leste (PNTL) to'o kedan iha terenu hodi halo atuasaun.

Segundu Komadante PNTL Munisípiu Dili, Superientende Polísia, Euclides Belo hatete, governu deside ona, transporte públiku labele halo movimentu lai.

"Estadu deside, movimentu ba karreta hanesan Mikrolet,Taksi labele halo movimentu lai. Parabéns ba ita-boot sira, tanba bele rona, ita hotu rona, ami mós rona, ita-boot sira mós rona, ita mak Estadu nia ona, ita tenke rona", agradese nia.

Aviza mós ba motorista sira durante minutu 10 nia laran tenke hamamuk ona fatin iha Palásiu Governu oin hodi ba uma.

"Ita-boot sira fila ba ida-idak nia uma, labele halai Taksi, Mikrolet", alerta nia.

Nune'e, situasaun iha terenu parte motorista ho PNTL konkorda malu ona katak, liu tuku 12, karreta Taksi, Mikrolet séi la hala'o ona movimentu. (*)

Rate this item
(0 votes)
Last modified on Friday, 30 April 2021 11:56
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter