“Ita haree iha fundu infraestrutura ita konsidera uzu oinoin inklui posibilidade atu ezekuta inklui posibilidade la ezekuta (impossibilidade) tanba posibilidade iha impedementu sira, ita muda fali ba 2022 no osan ne'ebé ita-iha muda fali ba verba ida vokasionadu iha rekonstrusaun infraestrutura tanba kalamidade”, dehan Fidélis iha Parlamentu Nasional (PN), Kuarta (21/04).
Tuir kalkulasaun totál gastu ba rekonstrusaun entre millaun US$200 até US$300 tanba ne'e lei orsamentu jerál estadu (OJE) preve osan ba fundu infraestrutura ne'ebé mak tinantinan fundu infraestrutura sempre multi anual ou plurianual no tuir lei hamutuk 5% husi totál montante OJE.
Antes ne'e governu hatama proposta lei númeru 35/V (3ª) primeiru alterasaun Lei númeru 14/2020 OJE hamutuk mIllaun US$223.8 ne'ebé la inklui osan rekonstrusaun tanba hatama iha PN antes inundasaun akontese.
Entertantu, inundasaun ne'ebé akontese rezulta totál 52 sitiu estragu hanesan estrada 22 sesaun, ponte 8, moru retensaun hamutuk 20 resin, liña eletrisidade 29 no 23 mak rekopera ona, estasaun bee-mos hamutuk 26 iha Dili ho estimasaun osan hamutuk millaun US$ 225.(*)