Família Kontinua rezeita Matebian Hakoi Iha Metinaru, Hakarak Lori ba Uma

Manifestantes sira halo hela asaun demonstrasaun hodi hatoo sira nia kritikas no ezijensia ba SIJK atu hasai ona matebian AB nia mate isin mate husi sala izolamentu Verra Cuz, iha Kaikoli, tersa (13/04/2021) Manifestantes sira halo hela asaun demonstrasaun hodi hatoo sira nia kritikas no ezijensia ba SIJK atu hasai ona matebian AB nia mate isin mate husi sala izolamentu Verra Cuz, iha Kaikoli, tersa (13/04/2021) Foto Tempo Timor

Tempotimor (Dili) - Hahú horseik (12/04) dader to'o tersa 13 fulan-abríl ne'e, família sira kontinua hato'o sira-nia ezijénsia ba Ministériu Saúde (MS) liuhusi Sentru Integradu Jestaun Kríze (SIJK),  nune'e sira rejeita mate isin matebian Armindo Borges ba hakoi Iha Semitériu Covid-19 Metinaro no hakarak lori ba uma.

Ezijénsia ne'e família sira hato'o liuhusi asaun protestu ne'ebé hala'o besik iha sentru izolamentu Verra Cruz nia sorin ho distansia kuaze mentru atus ida husi estrada ba sentru izolamentu.

Tuir família sira katak, durante ne'e governu liuhusi MS fó konfiansa ba SIJK hodi haree asuntu kona-ba covid-19 nian, maibé fó tratamentu ne'ebé la justu no la loos ba povu.

"Tanba ne'e, ligasaun ho ita-nia matebian ne'ebé dadaun ne'e sei iha hela parte Ospitál hanoin katak husi avo nana ninia prezensa ne'ebé mak hamutuk ho ita, ezíje tenke foti mate isin husi ospitál, lakohi tan atu lori ba hakoi iha fatin Metinaru”, deklara Bento Alberto Carlos nu'udár portavóz ne'ebé ko’alia iha asaun refere, iha Kaikoli, tersa (13/04).

Portavóz ne'e dehan, sira nafatin husu parte relevante atu deside katak di'ak liu la'o tuir família no Padraun husi Organizasaun Saude Mundial nia hateten.

"Tanba ne'e mak ami mai iha ne'e atu ezíje mate ne'ebé mak sei tau ba iha ne'ebá, lori ba entrega iha família, loos ka lae, looos”, hakilar husi manifestante sira.

Família sira hamutuk ho Prezidente CNRT Kay Rala Xanana nafatin ezije atu SIJK entrega mate isin ba Familia hakoi tuir kultura sira nian.

Tuir Familia sira katak matebian ne’e, la’ós sofre moras covid-19, maibé moras komplikadu ne'ebé molok ne'e iha nanis, nune'e ema hotu la konkorda.

"Husi covid-19, mak dadauk ne'e hothotu sai vitima. Hanoin katak rezultadu husi covid-19 ne'e, rezultadu ida ne'ebé loos, maibé defaktu ami hotu sente katak la justu nol komfortabel”, haktenik portavóz ne'e.

Tuir observasaun www.tempotimor.com iha terrenu nota, durante halo assun, membru Polísia Nasional Timor-Leste (PNTL) sira kontinua fó seguransa ho másimu hodi garante situasaun iha área Kaikoli.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« May 2021 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter