Maske situasaun agora halo estadu foti medidas lobuk ida ona liuhusi Estadu Emerjénsia ne’ebé hanaruk ba dala-11 ona, fó subsidiu emerjénsia, hala'o programa Rekooperasaun Ekonomika, fahe Sesta Bazika ba sidadaun sira no agora aplika tan medidas Serka Sanitária no konfinamentu domisiliáriu Obrigatóriu.

"Medidas sira ne'e hatudu Estadu nia preokupasaun no vontade atu salva sidadaun sira, mantein atividade bazika ba nesesidades sosial no ekonomika bele funsiona nafatin no atu instituisaun públiku no privadu sira funsiona nafatin tuir regra pandemia nian, hodi mantein saúde públiku no privada labele piora liután”, dehan nia liuhusi komunikadu imprensa iha PN, sesta (19/03).

Ba covid-19 ne'e, la'ós Timor-Leste de'it mak preokupa, maibé Estadu tomak preokupa tanba nia impaktu ba saúde públiku, ba moris sosiál no ekonomika sidadaun sira no funsionamentu institutuisaun sira ne’ebé halo servisu ba ema barak nia moris.

Ho ida ne'e, Governu deside aplika medidas Serca Sanitária no konfinamentu obrigatóriun ba dala-rua to’o loron 2 fulan-abril 2021 iha Munisípiu Dili, no to’o loron 29 fulan-marsu 2021 iha Munisípiu Baukau no Vikeke.

Mesmu, Medida hirak ne'e, halo Sidadaun hothotu iha obrigasaun atu kumpri didi’ak medida hirak ne'e, no la taka dalan ba observasaun kritika objetiva ba aplikasaun medidas sira Governu foti ne'e, no nakloke ba sujestaun ne’ebé kontribui ba hadi’ak medidas ne’ebé iha no fó benifisiu ba ema hothotu.

Maibé tetu tiha faktu no fenomena lobuk ida, Governu mós deklara pontu situasaun epidemiologika iha Timor-Leste ho medida lobuk ida.

Iha ne’e mak taka movimentu ema sai husi no tama Munisípiu Dill, bele tolera de’it pasajen sira ne’ebé ho razaun fundamentada ne’ebé relasiona ho seguransa públiku, saúde públiku, asisténsia unanimaría vou ter ao Continente comprovativo é grande vai animal mesmo ainda mera rede interrupto pra ver halo manutensaun ba sistema abastesimentu públiku ka interese públiku.

Nune’e ema ka sasán sira ne’ebé hetan autorizasaun atu sai husi ka tama ba Dili tenke liuhusi Sentru Kontrolu Integradu terrestre ne’ebé iha parte leste, sentru, oeste. fronteira aéreo no maritimu ne’ebé toke iha Segunda, Kuarta no Sesta husi tuku 6 dader to’o tuku 4 loraik; transporte públiku sira iha Dili laran sei la sirkula.

Tanba ne'e, nu'udar Prezidente Parlamentu Nasionál, lori Deputadu sira hotu nia naran, hato'o ba Povu tomak, katak PN sei kontinua nia atividade rutina hanesan plenária minimu dala ida semana ida, reuniaun Komisaun, Bankada no atividade administrativa la’o nafatin no tuir regra preventiva Covid-19 no medida Serca Sanitária nian.

Aleinde sei haree mós preokupasaun sira no ba implementasaun medida sira ne’ebé Governu foti, nía vantajen no dezvantajen ba povu nian moris no observa mós Governu nía rekursus no kapasidades iha terrenu.(*)