“Konfinamentu obrigatóriu ne'e aplika iha dili, ne’ebé ita tenke haree buat ne'e, tanba ne'e labele halo diskusaun ba lei kódigu mineiru”, hatete Bianco iha Parlamentu Nasionál, sesta (12/03).
Maske iha loron 30 fulan-jullu tinan 2020, parlamentu nasionál halo ona aprovasaun jeneralidade ba Projetu lei Nú 4/V(1a) Kódigu Mineiru, ho votu afavor 54.
Hafoin halo aprovasaun, meza Parlamentu Nasionál submete hikas ba Komisaun D atubele haree hodi halo ajensia ba debate iha faze espesialidade.
Ho Projetu-Lei Nú 4/V(1a) Kódigu Mineiru ne’ebé iha, dadauk komisaun D konsege aprova ona artigu hamutuk 68 no hela de'it artigu 162 mak seidauk halo aprovasaun tanba impede husi serka sanitária.
Komisaim D sei nafatin tau prioridade ba Lei Kódigu Mineiru ne’e wainhira governu hakotu ona serka sanitária iha dili.
Tanba, lei ne'e inportante atu regula atividade minerál nian oinsá respeita inklui atividade rekoñesimentu preliminár, prospesaun ba-oin no peskiza, avaliasaun, dezenvolvimentu, esplorasaun no tratamentu iha área minerál rai-laran nian.(*)
