Login to your account

Username *
Password *
Remember Me

Riak - Meta Mali La Rekoñese Ezisténsia AIRDV no Akuza Membru Asosiasaun Balun Milísia

Prezidenti Administrasaun Konsellu ba Kombatente Libertasaun Nasionál (KKLN), Vidal de Jesus “Riak Leman” akompana husi ekipa ko'alia hela ba media sira hafoin sorumutu ho Primeiru Ministru Taur Matan Ruak iha palásiu governu, kinta (25/02/21). Prezidenti Administrasaun Konsellu ba Kombatente Libertasaun Nasionál (KKLN), Vidal de Jesus “Riak Leman” akompana husi ekipa ko'alia hela ba media sira hafoin sorumutu ho Primeiru Ministru Taur Matan Ruak iha palásiu governu, kinta (25/02/21). FOTO Tempo Timor

Tempotimor (Dili)— Prezidente Konsellu ba Kombatente Libertasaun Nasionál (KKLN), Vidal de Jesus “Riak Leman” la rekoñese ezisténsia Asosiasaun Independente Rekolla Dadus Veteranu (AIRDV) lideradu José Dias Guterres ‘Loi Mali’ no akuza membru balun hosi asosiasaun refere milísia.

Prezidenti KKLN, Vidal de Jesus “Riak Leman” hateten, asosiasaun independente ne'e mosu husi ne'ebé laiha koinesimentu, entaun kria konfuzaun.

Tuir nia, dala barak akontese falsifikasaun dokumentu ba pensaun veteranu ne'e, tanba asosiasaun idak-idak mosu hodi hala'o ninian laiha koñesimentu ba parte kompetente.

“Asosiasaun independente ne'e ha’u mós la hatene, husi ne'ebé karik, tuir loloos kna’ar ne'e iha konsellu, la'ós asosiasaun idak-idak tún ba halo ninian, tanba buat sira hanesan ne'e mak falsifikasaun mós barak, dalaruma asosiasaun ne'e tún ba halo fali ba partidu, nia haree ida-ne'ebé nia partidu ninian, nia aprova tinan sa'e, ida-ne'ebé la'ós ninian, nia hatún, la haree ba ema funu ne'e tinan hira,” dehan nia hafoin sorumutu ho Primeiru Ministru, Taur Matan Ruak, iha Palásiu Governu, kinta (25/02/21).

“Membru balun tuur iha asosiasaun ne'e milísia hela, ha’u mós la koñese tan,” dehan Reak Leman.

Nune'e mós Ministru ba Asuntu Kombatente no Libertasaun Nasionál (MAKLN), Júlio Sarmento da Costa ‘Meta Mali’ mós la hatene ezisténsia asosiasaun independente ne'ebé hala'o serbisu hanesan rekolla dokumentu veteranu sira-nian.

“Haree iha jornál hatete, iha asosiasaun balun ne'e, servisu asosiasaun nian, ami laiha relasaun uitoan ho asosiasaun ne’e,” dehan nia.

Iha loron 19 fevereiru 2021 liubá, Prezidente Asosiasaun Independente Rekolla Dadus Veteranu (AIRDV), José Dias Guterres ‘Loi Mali’ hasoru malu ho Prezidente Parlamentu Nasionál, Deputadu Aniceto Longuinhos Guterres Lopes, hodi informa kona-ba ema sira-ne’ebé falsifika dadus veteranu iha territóriu nasionál.

“Prezidente Parlamentu Nasionál apoia inistiativa ne’e no apoia lori ema sira-ne’ebé falsifika dadus veteran ne’e ba Ministériu Públiku no Tribunál. Ami halo ida-ne’e tanba instituisaun haat mak apoia ami hanesan Prezidente Repúblika, Prezidente Parlamentu Nasionál, Primeiru Ministru, Prezidente Tribunál Rekursu no Ministériu Públiku. Ami rekolla ona ema 500 mak falsifika no halo ona interrogatóriu iha Ministériu Públiku, hein de’it sira ba hatán iha tribunal,” Loi Mali informa ba jornalista sira, iha Parlamentu Nasionál.

Nia dehan, hosi ema na’in-500 ne’e mai mai hosi munisípiu 12 no Rejiaun Administrativa Espesiál Oécusse-Ambeno (RAEOA).

“Hosi ema na’in-500 ne’e barakliu hosi Same ne’ebé simu tiha ona osan estadu nian.
Kona-ba sira-nia kulpa só tribunal mak bele hatene, sasin hodi hatodan ema sira-ne’e iha,” nia akresenta.

Nia haktuir, veteranu falsu sira-ne’e la halo funu maibé tanba família mak fasilita entaun naran tama iha lista veteranu.

“Tanba de’it partidu, tanba de’it kolega entaun nia rasik asina nia surat hodi ba eskalaun 8-14 hodi manán osan montante $200-resin,” nia fó-sai.

Asosiasaun Independente Rekolla Dadus Veteranu deteta kazu veteranu falsu ne’e tanba familiarizmu no partidarizmu.
Prezidente AIRDV dehan, iha timor laran korrupsaun boot liu mak falsifika dadus veteran ho númeru boot liu.

“Estadu gasta osan biliaun kada tinan ba ema veteranu, ema 500 ne’e la’ós veteranu asli,” nia dehan.(*)

Rate this item
(2 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter