Tatoli I.P. Loke Vaga, RTTL E.P. Koko 'Tebe Sai' Nia Jornalista Ida

Karta ne'ebe ulun bo'ot RTTL.Ep haruka ba nia Jornalista, Segunda (22/2) Karta ne'ebe ulun bo'ot RTTL.Ep haruka ba nia Jornalista, Segunda (22/2) Foto Tempo Timor

Tempotimor (Dili)- Radiu Televizaun Timor-Leste (RTTL, EP) hasai ninia staf ida ne'ebé hala'o knar nu'udár jornalista, tanba de'it konkore ba konkursu públiku ne'ebé Tatoli I.P loke ba ema hotu-hotu.

Tuir dukumentus ho numeru referensia 09/DNIA/II/2021, ne'ebé tempotimor asesu katak, RTTL, EP liu-husi Diresaun Nasionál Informasaun no Atualidade (DNIA) sei hapara ninia staf ho naran Gracilda Oliveira iha ninia servisu.

"DNIA hakarak fo hanoin katak, iha fulan marsu 2021, ita boot sei la halo ona servisu no funsaun operasional iha DNIA RTTL, EP, sei enkamina ita boot ba iha Diresaun Nasionál Administrasaun no Finansas (DNAF), departamentu rekursu Umanu hodi prosesa, enkuantu DNIA sei loke fali vaga ne'e ba públiku, tanba urgente ba seksaun portugues iha instituisaun RTTL,EP", haktuir iha dokumentu ne'ebé Tempotimor asesu iha loron segunda, (22/09/21).

Iha karta ne'e sita mos katak, instituisaun RTTL, EP liu-husi DNIA hato'o apresiasaun boot ba fungsionariu refere, tanba hatudu ona didikasaun no kontribuisaun ba dezemvolvimentu instituisaun durante ne'e, prinsipalmente iha seksaun portuges.

Honra mos ba instituisaun RTTL, EP, tanba ho Gracilda nia kapasidade no abilidade bele kompete ona iha kampu traballu ho ema seluk, ne'ebé hatudu ita boot mos liu ona iha faze selesaun dokumentus.

DNIA fo apoiu maximu atu kontinua partisipa iha vaga ne'e, hodi fo mos nia kontribuisaun iha instituisaun foun tuir mai. DNIA konsidera ne'e desizaun ema profisionál no mutual sei la impede konkorente nia partisipasaun iha prosesu ne'e.

Iha karta ne'e hetan asinatura husi Diretór Nasionál DNIA, RTTL, EP, Domingos Viana Belo. (*)

Rate this item
(0 votes)
Last modified on Tuesday, 23 February 2021 23:35
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« February 2021 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28

Tempo Timor Networks