"Primeiru, pelu faktu to'o ohin loron, númeru Covid-19 mai husi via ilegál ne'e ladún boot, ne'e signifika katak polísia iha-ne'ebá halo servisu di'ak loos," Xefe Governu PM ko'alia hafoin enkontru semanál ho Prezidente Repúblika Francisco Guterres 'Lú-Olo' iha Palásiu Prezidensiál, Bairru-Pité, kinta (04/02).
Nia dehan, sidadaun sira mós labele hanoin iha iluzaun katak governu taka iha fronteira la'ós hanesan fali taka bee ne'ebé labele sai.
"Laiha, ne'e fronteira ida ke ne'e ligasaun iha-ne'ebá. Naturalmente sempre iha ida, rua liu, mais ita-nia esforsu maka toda as vezes ke ema liu ilegalmente, ita tenke sensibiliza para sira fó sira-nia kontribuisaun hodi aprezenta+aan, para ita bele hetan kontrolu nomós tau matan ba sira-nia saúde rasik, sé lae sira lori ba infeita kontájia fali nia família, kuandu nia família hetan kontajen bele prezudika mate", hatete nia.
Governu sempre halo alerta ba populasaun sira kontrola iha TL nia fronteira tanba rasik mós la garante katak ema labele hakat ilegál husi fronteira.
"Naturalmente, ha'u labele garante katak ha'u uluk jenerál antes mai PM ne'e, ha'u jenerál, komandante tinan barak loos no ha'u hatete ninia kontrolu ne'e to'o iha- ne'ebé, pelu menus ita hatene ida-ne'e", dehan nia.(*)