Tuir nia, loloos sesaun plenária hahú iha tuku 9:00 maibé dada to'o tuku 9:54 tanba deputadu sira tarde atu prienxe korum.
Nia konsidera durante ne'e, hahalok ida-ne'e mak sai hanesan kultura, kada deputadu idak-idak nia, la hatudu sira-nia profisaun ka produtividade hanesan reprezentante povu.
"Sai hanesan kultura ida, dada to'o tiha 9:50, no 10:00 oras, ita sempre atrazadu tebes," dehan nia iha plenária PN, tersa (2/2).
Ho kestaun ne'e nia sujere ba deputadu sira atu tenke kumpri oráriu plenária, kuandu komesa tuku 9 entaun tenke mai sedu, maibe labele to'o tuku 10 mk foin komesa ida ne'e ladún hatudu produtividade servisu.
"Tanba ne'e ha'u fó hanoin fila-fali ba destintu deputadu sira, di'akliu ita tenke mantein ho ita-nia oráriu plenáriu komesa 09.00 oras, ita mais estar dár 15 menutu, 90:30 ita tenke komesa maibé ida-ne'e bainbain ita dada to'o tiha 10 oras, mak ita komesa, ida-ne'e ladún fo ita-nia produtividade ba ita-nia servisu,"nia sujere.
Iha fatin hanesan Xefe Bnakada KHUNTO, Deputada Olinda Guteres husu meza tenke lori kestaun ne'e ba iha líder bankada nune'e lider bankada mak bele foti desizaun.
"Agora ko'alia de'it hanesan ne'e, dala barak mos ha'u foti, seidauk halo tuir ida señora prezidente, ita boot ko'alia de'it, ami iha-ne'e ami rona mais hanesan la rona, di'akliu ba hato'o iha líder bankada atu ita bele fiar malu, idak-idak tama konta ba ninia bankada, mai iha tuku hira, tama iha tuku hira, entaun mai tarde ne'e halo nusá, ida-ne'e lider bankada maka sei hatún desizaun," dehan nia.(*)