Vise-Primeiru Ministru no Ministru Planu Ordenamentu Teritorial (MPOT), Jose Maria dos Reis hateten, planu atu dada fiber optika husi Australia mai Timor-Leste ne'e daudaun iha ona preparasaun.
"Ekipa tekniku sira agora la'o hela halo diskusaun ida ne'e, ami aprova ona, ha’u hanoin hein tan tinan oin, oinsa ezekuta tuir programa kalendariu ne'ebe mak estabelese ona", Jose Reis hateten lia hirak ne’e hafoin reuniaun Konsellu Ministru iha palasiu Governu, Segunda (21/12).
Nia rekoñese katak, dada fiber optika mai Timor-Leste ne'e sempre iha mos risku, maibe iha ona preparasaun atu antisipa.
"Sim, risku sempre iha mais prontu ida ne'e mak kestoins ne'e ita preve ona buat balun ne'ebe mak risku iha, konserteza buat hotu-hotu risku iha, ita preve ona ekipa tekniku sira antisipa ona finanseiru", nia afirma.
Planu governu nian atu dada fiber optika mai Timor-Leste iha kabu sub marinu ne'e ho objetivu atu aselera komunikasaun no atu lori mos dezemvolvimentu boot ba Timor-Leste. (*)