"Senhor ministru negosiu estranjeiru Kambodia mak lori mai, lori maskra hamutuk juta 1 inklui sasan médiku balun," Ministra MNEK Adalgisa Magno hateten ba www.tempotimor.com iha Parlamentu Nasional Dili, Kuarta (2/12)
Nia dehan, Governu Timor-Leste sei reprejenta husi MNEK Adalgisa Magno hodi simu komitiva MNEK Kambodia, ne'ebé tuir oráriu sei to’o iha Aeroporto internasionál Prezidenti Nicolao Lobato oras 11 : 30 otl.
Adalgisa hateten, Governu Timor-Leste hato'o obrigadu wain ba Governu Kambodia ne'ebé ho laran luak ajuda ona Maskra hamutuk tokon 1 inklui ekipamentu médiku seluk ne'ebé relevante ho kombate pandemia Covid-19. (*)