Konsiderasun ne'e mosu tanba Deputadu CNRT ne'e hare katak, iha ambitu selebra loron proklamasaun independénsia 28 novembru ba dala-45 iha Lauhata, munisipiu Likisa, Lú Olo hato'o diskursu ko’alia no konta tuir fila-fali sala ne'ebé nia halo durante ne'e.
Nia hatutan iha diskursu PR nian hateten katak, situasun impase politika sira ne'ebé mosu, hanesan Prezidente Repúblika rona duni kritika sira ne'ebé hato'o husi povu, akademista, sosiedade sivíl, inklui forsa politika sira seluk oinsa atu buka solusaun.
"Ba ami konsidera katak ne'e hanesan Curhat ida, Tanba Prezidente Repbulika ninia diskursu ne'e rasik, mak hatudu ba públiku, katak Prezidente rona duni, kritika públiku ninian, rona duni kritika sira husi forsa politiku sira seluk ninian, ne'ebé hateten katak Prezidente Repúblika nia desizaun sira ba estadu no nasaun durante ne'e sala," nia dehan iha Parlamentu Nasionál (PN) Segunda (30/11).
Nia mós nota katak, Prezidente Repúblika atu aproveita de’it tempu hodi esplika rasik ba públiku, durante ne'e prezidente rona duni públiku no akadémiku ninia kritika, inklui forsa politika hotu ninia kritika, maibé Prezidente Repúblika kontinua foti desizaun ba estadu no ba nasaun ne'e sala kontra konstituisun da repúblika.
Deputadu ne’e dehan, hanesan aman ba nasaun, tuir loloos Prezidente Repúblika tenke hato'o diskursu ida ne'ebé diak no lori esperansa ba povu no nasaun maibé kontráriu fali, PR Lú Olo aproveita fali loron nasionál ne'e hodi hato'o fali ninia diskuru ka curhat filafali situasaun ne'ebé liu ona.
"tanba ne'e mak prezidente hanesan aprpveita halo diskursu ba estadu no diskursu ba nasaun ne'e, hato'o ninia curhat ida ne'e, katak, buat ne'ebé nia halo ne'e sala," deputadu CNRT ne'e konsidera.(*)
PUBLISIDADE