Falla Komunikasaun, Pasajeiru “Abandonadu” iha Aeroportu Comoro

Pasajeiru sira nakonu iha aeroportu hein aviaun atu mai tula ba Malasia, (24/10) Pasajeiru sira nakonu iha aeroportu hein aviaun atu mai tula ba Malasia, (24/10) Foto Tempo Timor

Tempotimor (Dili)- Ajénsia aviasaun ne’ebé responsabiliza viajen Dili ba Inglatera iha loron ohin falla iha komunikasaun ho parte governu liuliu Ministériu Transporte no Komunikasaun, nune’e, to’o agora pasajeiru sira “abandonadu” iha Aeroportu internasionál Nicolau Lobato, Dili. 

Tuir oráriu, pasajeiru sira ne'ebé atu halo viajem ba Inglatera, iha tuku 14:00 lokraik, no aviaun sei to'o iha Aeroportu Internasionál Nicolau Lobato Dili, nune'e pasajeiru hamutuk na'in 160 hein hela iha resintu aeroportu internasionál hahú tuku 09:00 dader to'o agora.

Tuir observasaun www.tempotimor.com iha terenu nota katak, pasajeiru sira hein nakonu iha aredores aeroportu nian, hanesan bazár.

Iha parte dadeer, diretór ajénsia Cammner PC Rui Pires ne'ebé faan tiket ba pasajeiru sira no charter aviaun husu atu pasajeiru sira hein ho pasiénsia, tanba tuir nia kleur ka lalais aviaun sei to'o.

"Ha'u lalebe dehan ba ka lae, aviaun mai ka lae, maibé buat ne'ebé ha'u halo mak hakalma imi, imi han tiha lai pois ita hein, ita agora duni tempu, tanba atu besik tuku ida ona. Entaun, ita-nia tarjeitu katak tuku 16:00 aviaun to'o iha ne'e, ne'ebé buat hotu-hotu sei prosesu," dehan Diretór Rui ba pasajeiru sira, Sábadu (24/10).

Iha fatin hanesan, pesoál ida ne'ebé mosu derrepente hodi dehan nia husi Ministériu Negósiu Estranjéiru no Kooperasaun (MNEK) ne’ebé lori lia ksolok ba pasajeiru sira hodi hein ho pasiénsia tanba la kleur aviaun sei to'o.

Ho liafuan sira ne'e halo pasajeiru sira laran haksolok duni no basa liman.

Ho situasaun ne’e, www.tempotimor.com halo konfirmasaun direta ho Ministru Transporte Komunikasaun, Jose Agustinho da Silva ne’ebé hateten katak, nia parte la autoriza aviaun tun, tanba situasaun estadu emerjénsia.

“Ha’u defende interese estadu, katak labele viola Estadu Emerjénsia,” dehan Ministru Jose Agustino ba Tempo Timor via telefone.

Ministru ne’e dehan, nia parte la responsabiliza pasajeiru sira ne’ebé iha aeroportu nia situasaun.

“Husu, ba sira ne’ebé organiza ema sira ne’e ba iha aeroportu,” nia hateten.

 

Rate this item
(1 Vote)
Last modified on Sunday, 25 October 2020 12:32
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« November 2020 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

Tempo Timor Networks