Tuir observasaun jornalista Tempotimor nian iha terenu nota katak, Lider Nasionál, Laureadu Novel ba Paz José Ramos Horta ho Lider karismatiku Kay Rala Xanana Gusmão hakat ba fatin ne'ebé saudozu Nicolao Lobato mate hodi haree ho laran tristi.
Hafoin iha momentu vizita, Clementino de Jesus Nunes ne'ebé sai hanesan sasin ba saudozu Nicolao Lobato iha momentu hakotu iss, hatete saudozu Nicolao Lobato mate duni iha fatin Binani, maibé forsa Indonesia sira ho aviaun mai lori ba ne'ebé mak to'o oras ne'e la hatene.
"Momentu ne'eba saudozu Nicolao Lobato ho ninia forsa tama mai husi Tutuluru nian, mai to'o iha ne'e, ami mos la hatene tuir, derepenti kilat tarutu ami mos labele book an, tanba iha ne'e forsa Indonesia serku metin, saudozu mate duni iha ne'eba, ami hatene aviaun tun, maibé ema foti saudozu tula ba aviaun ami la hatene tuir", Nia informa hafoin Lider na'in rua, Kay Rala Xanana Gusmão ho José Ramos Horta vizita fatin ne'ebé saudozu Nicolao Lobato mate ba, iha Suku Mindelu, kurta (23/09).
Nia mos dehan, iha fatin ida ne'e la'os saudozu Nicolao Lobato mesak mate iha ne'e, maibé populasaun husi Munisípiu 13 kuaze barak mate hotu iha fatin ne'e.
"Tanba iha ne'e ai-han barak entaun populasaun hotu mai konsentra iha ne'e, ne'ebé ema barak mate iha ne'e, la'os turiskai, same no Maubisse de'it, maibé komadante barak mak mate hotu ihafatin ida ne'e", Nia relata
Vizita Lider Nasionál na'in rua nian ne'e maizoumenus kuaze minutu 20 nia laran hafoin fila ba fatin ne'ebé komunidade sira prepara.