Deputadu FM: Presiza Konsesu Nasional ba Reavalia PEDN

Deputada husi bankada Frente Mundansa (FM) Isabel Ximenes ko'alia hela ba Jornalista sira iha resintu Parlamentu Nasional (17/9) Deputada husi bankada Frente Mundansa (FM) Isabel Ximenes ko'alia hela ba Jornalista sira iha resintu Parlamentu Nasional (17/9) Foto Tempo Timor

Tempotimor (Dili)-Deputada husi bankada Frente Mundansa (FM) Isabel Ximenes hatete, presiza iha konsensu nasional bainhira hakarak reavalia Planu Estratejiku Dezenvolvimentu Nasional (PEDN) ne’ebé eis Primeiru Ministru Kay Rala Xanana Gusmão inisia.

Deputada FM hato’o kestaun ne’e relasiona ho deklarasaun Bankada Fretilin ne'ebe husu atu reavalia PEDN.

Tuir deputada ne’e, bainhira koalia kona-ba planu estratejiku Timor-Leste nian, bele halo avaliasun de’it maibé laos atu muda.

"Atu halo avaliasun de’it ne'e bele, maibé atu muda fali nia estratejiku ha’u sente ida ne'e ho respeitu tomak, maibé partidu Fretilin tenke hanoin katak buat ne'e laos partidu governu de’it mak halo ida ne'e," hatete nia iha Parlamentu Nasional, Kinta (17/9).

Tuir nia, PEDN ne’e trasa ona ba periodu ne'ebé determinadu tan ne’e labele muda iha priodu klaran.

“Ida ne'e presiza konsensu politiku, konsensu nasional no tenke iha dialogu ne'ebe mak iha governu, ne'e ita koalia loos husi partidu Sira ne'ebé ukun governu," dehan nia.

Molok ne'e deputadu bankada Fretilin Joaquin dos Santos husu atu re-avalia planu estratéjiku dezenvolvimentu nasionl (PEDN) iha Timor-leste.

Nia deklara, presiza re-avalia tanba hare katak agora  atu hahú hanoin, oinsá bele minimiza ita-nia dependénsia ba rai-li’ur kuaze iha setór hotu hahú hosi ekonomia, agrikultura no peska, saúde, edukasaun nomós seluk tan.

"Tanba meta sira labele atinje ona no ultrapasadu. Katak tenke revitaliza fali planu sira, prioritiza ba diversifikasaun ekonómika hodi investe ba área poténsial sira seluk, hodi la depende deit ba minarai,” katak nia.

Bankada FRETILIN fundamenta liután, Timor-Leste nia rai-bokur ba agrikultura ho luan ektare rihun ba rihun iha kosta-súl no iha parte balun iha kosta-norte.

Tanba ne’e Bankada FRETILIN sente katak, tempu atu Timor-Leste investe seriamente iha setór agríkola, governu tenke harii irrigasaun ho nia sistema ne’ebé bele asegura dezenvolvimentu setór importante ida-nee.

Nune’e mós harii barrajen sira ho dimensaun natoon ne’ebé bele rekolla bee iha tempu udan atu la husik bee suli hotu ba tasi. Governu mós tenke insentiva setór bankáriu halo injesaun kapitál ho jurus atrativu atu dada no dudu setór privadu ba investe iha agrikultura.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.