Tuir nia, presiza hatún Prezidente Repúblika tanba viola Konstituisaun RDTL no mós muda sistema, tanba uza semi-prezidensiál mak ohin loron hamosu impase polítika ne'ebé naruk tebes hodi paraliza totál prosesu dezenvolvimentu.
"Sistema ne'ebé merese ita atu aplika mak sistema prezidensiál, se kontinua nafatin sistema semi-prezidensiál ita sei baralla prosesu dezenvolvimentu ba konstrusaun Estadu ida ne'e", dehan Ângela, iha nia rezidénsia, Bairru Formoza, Tersa (01/09).
Nia dehan, sistema semi-prezidensiál ne'e mak paraliza totál ekonomia rai-laran, tanba ne'e tenke loke pájina foun hodi halo mudansa ba sistema.
Nia esplika, ko'alia kona-ba prosesu demokrasia atu hadi'a sistema governasaun, tanba sistema la'ós biblia para uza permanente.
"Sistema kuandu la kondís ho situasaun atuál rai laran ne'ebé prejudika ka baralla iha rai-laran tenke troka", tenik nia.
Nune'e, atu troka sistema mak liuhusi prosesu re-unifikasaun ba ema sira ne'ebé mai husi rezisténsia rasik hodi hamutuk para bele hadi'a. Tanba ne'e, iha loron 4 Setembru 2020, fiksu ona ba RNDJK atu halo manifestasaun hodi hatún Xefe Estadu, Francisco Guterres Lú Olo. (*)