Angelina Husu Feto Timoroan Hamutuk Ho Mane Hakaas-Aan

Feto maluk timor oan balun ne'ebe partisipa hela  atividade sosializasan CEDAW Feto maluk timor oan balun ne'ebe partisipa hela atividade sosializasan CEDAW Foto Suplai

Tempotimor (Dili) - Vise-Prezidente Parlamentu Nasionál, Maria Angelina Sarmento, husu feto timoroan hotu presiza esforsu hamutuk ho mane sira servisu makaas ho matenek.


Vise-Prezidente PN hato'o mensajen ne'e hafoin partisia iha komemorasaun Convention on the Elimination of All Forms of Discrimination Against Women (CEDAW) ba dala 18 ne'ebé realiza iha salaun Tower Fatuhada, Tersa (18/8).

Nia apresia tanba ho susesu Simpóziu Nasionál kona-ba CEDAW nafatin fanun feto maluk timoroan hotu atu hakaas-aan servisu oinsa bele avansa igualdade jéneru ba timóroan hotu iha nasaun Timor-Leste.

Nia hatutan,  feto asuwa'in Timor-Leste sira-nia naran ne'ebe boot tebes maka Maria Tapó, Rosa Muqui Bonaparte, Maria Gorrete, Isabel Barreto, inklui sira ne'ebé sira-nia naran haluha ona.

Nia mós husu ba feto maluk sira hotu, atu presiza kumpre buat tolu atu hakat ba oin hodi hadi'ak liután situasaun, katak feto timoroan sira presiza servisu hamutuk ho mane sira, servisu makaas, no mós servisu ho matenek.

"Presiza servisu hamutuk ho mane sira, ho instituisaun oioin, ho Governu, lgreija, no selseluk tan. Maibé, importante liu mak servisu hamutuk ho ita-nia feto maluk sira iha luta naruk ba igualdade jéneru ne'e, maski diferensa oioin ne'ebé ita iha, inklui diferensa polítika," dehan nia. (*)  

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Right256

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« April 2021 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter