Embaixadór Australia mai TL, Petter Robert hatete, kooperasaun entre TL no Australia partikularmente haree liu bá iha área solidariedade sosial no seluk tan.
"Iha pagamentu subsídiu, Australia fornese orsamentu ho totál besik rihun $600 hodi suporta prosesu ne'e iha área tekniku hodi responde ba Corona Virus," dehan Petter ba jornalista sira iha MSSI, Kaikoli (24/07).
Nia dehan, ho kooperasaun ida ne'e, MSSI mak fo apoiu tekniku, no sira suporta orsamentu hodi halo pagamentu, no kada tekniku benefísia U$100.
Nia hatutan, apoiu orsamentu ne’e sei dezenvolve mós programa seluk hanesan programa nabilan, hodi hamutuk luta kontra violénsia hasoru feto no labarik sira.
"Ami kontinua nafatin servisu hamutuk ho ministériu solidariedade sosial atu responde ba impaktu sosial husi Corona Virus,"dehan nia.
Nia dehan, Australia iha komitmentu nafatin atu servisu iha área ne'e, tanba Australia iha kooperasaun barak ho MSSI.