Login to your account

Username *
Password *
Remember Me

Semana Oin, Figura Foun Troka Goaldino iha ANPM sei Mosu

Tempotimor (Dili)-Ministru Petroliu no Minerais (MPM) Victor da Conceição Soares hatete, iha semana oin sei anunsia ema foun ne'ebé atu troka ba Prezidente Autoridade Nasional Petroliu no Minerais Goaldino da Silva.

Governu deside hodi nomeia ema foun hafoin Prezidente ANPM atual, Goaldino da Silva ninia mandatu remata iha 30 Juñu 2020.

"Nomeasaun ema foun ba Prezidente ANPM, ha’u hanoin iha semana oin ita bele hatene," dehan nia hafoin hasoru-malu ho Primeiru Ministru Taur Matan Ruak iha palasiu governu, Kinta (23/07).

Nia hatete, nomeasaun ba Prezidente ANPM ne’e nu’udar nomeiasaun normal, tanba bainhira ema ida nia mandatu remata ona, presiza halo nomeiasaun foun.

"Kuandu akontese nomeasaun normal, tanba ema ida mandatu hotu ona tekne nomea fali ema foun," katak nia.

Kona-ba figura ne'ebé atu troka Prezidente ANPM, nia dehan, lalika duvida tanba ema profisionais tekniku iha Timor, liu-liu sira ne'ebé serbisu iha ANMP laran barak.

"Ha’u lakohi temi kandidatu, tanba buat hotu sei iha prosesu laran, kuandu nomeasaun iha ona no mai Konsellu Ministru delibera, ita bele hatene ema mak ne'e ona."

Nia dehan, pesoal ne'ebé atu nomea fali ba Prezidente Autoridade Nasional Petroliu no Minerais (ANPM) la'os atu pior liu fali Prezidente ida uluk, maibé sei di’ak liu ida ne'e, tanba governu daulau ba oin atu halo sasan ida di’ak liu.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« October 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter