PM Taur deklara asuntu ne’e iha ninia diskursu iha serimonia tomada pose ba membru governu na’in 8 ne’ebé hala’o iha palasiu prezidensial Nicolau Lobato, Sesta (29/05).

"Kompleta ba membru governu daualu, fó pasu ida ba oin, servisu ne'ebé sempre di'ak ba oin, hodi responde ba dezafiu ne'ebé ita hotu-hotu enfrenta loron ba loron no kumpre promesa ne'ebé governu daualu iha," dehan PM Taur.

PM Taur dehan, governu daualu ne’ebé nia lidera nu’udar governu ida ne’ebé sempre nakloke ba dialogu ba planu hotu ne’ebé hakarak fó kontribuisaun pozitivu ba dezenvolvimentu nasionál no ba povu nia moris di’ak.

"Governu ida ne'e, governu ne'ebé atu halo serbisu, entaun loke aan ba parte hotu hodi halo diálogu ba planu hotu ne'ebé hakarak kontribui pozitivu ba dezenvolvimentu nasional ba rai ida ne'e, ba moris di'ak povu nian."

Iha oportunidade ne’e, Taur koalia uitoan mós kona-ba situasaun politika ne’ebé la’o daudauk iha Timor-Leste.

Tuir Xefe Governu ne’e, diferensia politika ne’ebé iha atu reforsa liu tan demokrasia iha nasaun ne’e.

"Liu husi diferiénsia polítika ne'ebé eziste hodi reforsa ita nia demokrásia ne'ebé konta mós kontribuisaun husi hotu-hotu nian no iha governu ida ne'e hodi ezekuta governu nia polítika ne'ebé promete ona ba povu," nia dehan.

VIDEO PUBLISIDADE APELU HUSI PM TAUR APLAUS BA FRONT LINE