Tempotimor (Dili)-Primeiru Ministru (PM) Taur Matan Ruak deside hodi kompleta membru governu (MG) VIII konstituisionál nune'e hasai hotu lista naran Membru Governu pendente husi partidu CNRT troka fali ho membru sira mai husi partidu Fretilin na'in ualu no na'in ida husi PD atu normaliza funsionamentu governu ne'e ho tipu governu inkluzaun to'o 2023.

 

Governu hakarak kompleta ninia membru governu, "iha tempu badak naran hotu mak sua eselénsia Prezidente Repúblika (PR) hodi toma pose," dehan PM Taur iha Palásiu Prezidensiál bairu-pite Dili, Kinta (30/04)

 

"Iha tempu badak ha'u sei haruka naran hotu mai sua Excelensia para fo pose. Tanba ba ha'u nia governu ne'e la'o ho roda tolu de'it entaun ha'u hakarak kompleta tan roda Ida. rua ka tolu,"nia dehan. 

 

Tuir nia, governu daualu la halo remodelasaun, maibé halo kompleta membru governu ne'ebé seidauk iha.

 

"Atu halo kompleta de'it membru governu sira nebe sei dala, hanesan ita boot sira hatene, uluk governu toma pose na'in sia mak la hetan pose," nia dehan.

 

 

 

 

 

Xefe governu mós afirma katak, membru governu husi CNRT mantein iha governu daualu.

 

"Ha'u horseik ko'alia ho sira polítika ida ne'ebé ami uza, hodi defende mak inkonkluzaun, ne'ebe ha'u kontense servisu ho sira durante tinan ida resin, i ha'u kontente sei kontinua servisu nafatin ho sira, mas tudo depende ba sira," Taur informa.

 

PM mós dehan, bainhira membru governu husi partidu CNRT mak rejigna aan, "ha'u sei prienxe ho seluk."

 

"Se sira mak husu, ha'u laiha dalan seluk, se sira rejigna aan, hau labele halo buat ruma, agora hasai hau la hasai," dehan PM

 

Entretantu lista kandidatu sira ne'ebé PM sei haruka ba PR mak hanesan, " ida mai husi PD, restu mai husi Fretilin, ha'u bele fo hatene ba ita bo'ot sira, Ministru Antigus Kombatetes (MAK) señor Meta Malik, Ministra Saúde (MS) señora Odete Maria Freitas, Vise Ministra Turizmu Komersiu Industria (VMTKI) señora Inácia Texeira, Ministru Administrasaun Estatál (MAE) señor Faustino Cardoso, Ministru Turizmu Komersiu Industria (MTKI) Manuel Vong, Ministru Finansas (MF) señor Fernando Hanjam ne'e naran sira ne'ebe sei haruka mai," dehan Matan Ruak.