MF: KM Sei Deskuti Osan ba F-FDTL no PNTL

Ministra Finansas Interina, Sara Lobo ko'alia ba Jornalista sira iha Ministeiru Finansas, Ai Tarak Laran Dili (29/4) Ministra Finansas Interina, Sara Lobo ko'alia ba Jornalista sira iha Ministeiru Finansas, Ai Tarak Laran Dili (29/4) Foto Isac oliviera

Tempotimor (Dili)-Ministériu Finansas sei aprezenta proposta orsamentu tokon $12.7 ba F-FDTL no rihun $670 ba PNTL ba Konsellu Ministru hodi bele diskuti no foti desizaun.

Ministra Finansas interina, Sara Lobo hatete, orsamentu ne'ebé aloka ba instituisaun rua ne'e bazeia ba proposta ne'ebé MF simu.

"Orsamentu ne'e ita seidauk halo transferénsia ba instituisaun rua ne'e, tanba sei aprezenta iha KM kona-ba montante ne'ebé atu atribui instituisaun rua ne'e, liu-liu ba prevensaun no meditasaun Covid-19 nian," dehan Sara Lobo Brites iha edifísiu MF Aitarak-Laran Dili, Kuarta (29/04).

Maske nune'e, nia hatete, montante tokon $12.7 ba F-FDTL no rihun $670 ba PNTL ne'e seidauk iha desizaun.

VIDEO PUBLISIDADE APELU HUSI PM TAUR APLAUS BA FRONT LINE

 

"Seidauk iha desizaun ba transferénsia osan ne'ebé imi (jornalista) temi ne'e, karik imi temi ne'e tanba aplikasaun ba instituisaun rua ne'e la hanesan ne'e tuir SIJK nia proposta," dehan Sara.

Nia dehan, osan tokon $12.7 ba F-FDTL no rihun $670 ba PNTL ne'e la'ós ba selu ba sira nia personal.

"Montante ne'e aloka bazeia ba nesesidade sira nian, mais ne'e la'ós osan ne'ebé mak atu selu ba sira nia personal, maibé kualker forma KM sei deside atu atribui ba kada ida-idak ne'e, depende ba ninia grau risku ne'ebé sira hasoru," dehan Sara

Entretantu, Ministru Defeza no Seguransa, Filomeno da Paixão de Jesus, lakohi fó komentáriu ba orsamentu ne'ebé governu prevé ba instituisaun rua ne'e.(*)

 

Rate this item
(3 votes)
Last modified on Saturday, 09 May 2020 14:44
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.