Kopia livru OJE ne'e konsidera uitoan de'it hodi difikulta prosesu audiensia publika. Tanba tuir loloos tenke haruka kopia 65 tuir numeru deputadu sira.
Vise Prezidente Parlamentu Nasionál (PN), Maria Angelina Sarmento Lopes hateten, numeru kopia mak limitadu. Loloos kopia livru ne'e tenke hamutuk 65 para bele distribui ba deputadu sira.
"Lolos tenke kopia livru sira fahe ba deputadu sira hotu, tanba livru ne'e ajuda tebes deputadu sira par bele hare deteta detallu livru sira ba programa no orsamentu", tenik Angelina, iha Uma Fukun PN, Kinta (9/1).
Iha momentu ne'eba, nia dehan, governu submete livru no entrega mos ho versaun eletronika nune'e deputadu balun bele akompaña de'it liuhusi laptop, maibe ida ne'e ladun efetivu tanba deputadu balun sei iha difikuldade atu asesu ba laptop hodi lee no entende dokumentu sira ne'e.