Tuir rezultadu sorumutuk konsellu ministru ne’ebé www.tempotimor.com asesu iha loron 12 fulan-jullu katak, programa ne’e sintetiza polítikas públikas prinsipáis ne’ebé atu adota durante Governu ninia mandatu.
Objetivu atu hametin no otimiza setóres governasaun nian no sira nia rekursu, hodi habadak dalan atu transforma vizaun Ajenda Dezenvolvimentu Sustentavel 2030 nian no Planu Estratéjiku Dezenvolvimentu 2011 - 2030 nian hodi sai realidade.
Alende ne’e, konsellu ministru delibera mós aprezenta ba parlamentu nasionál atu hetan votu konfiansa ida ba governu, ne’ebé fundamenta husi kompromisu ne’ebé firme no determinadu atu implementa ninia programa, ho objetivu atu promove dezenvolvimentu, prosperidade no moris diak ba sidadauns timoroan hotu.
Programa ne’e, kompoin husi área prinsipál neen, dahuluk afirma fali estadu direitu demokrátiku, dezenvolvimentu kapitál sosiál, dezenvolvimentu infraestruturas, dezenvolvimentu ekonomia, konsolidasaun governativa, boa governasaun, no kombate hasoru korrupsaun. (*)