Sekretáriu Estadu Kooperativa SEKOOP, Elizário Ferreira esplika, espesialista mai atu halo levantamentu dadus solo no subsolo hodi define produsaun ba rekursu umanu ba setór kooperativa iha Timor-Leste.
"Ita nia espsialista atu mai halo servisu tuir kontratu atu halo levantamentu ba solo no subsolo hodi define área produsaun ba rekursu umanus", dehan nia iha sesaun diskusaun ho espesialista na'in tolu iha Akait, kinta (22/12).
Nune'e, iha fulan-janeiru tinan 2023 espesialista na'in rua sei to'o tuir mai Timor-Leste hodi kontinua halo levantamentu dadus, nune'e aprezenta rezultadu relatóriu hafoin kontinua ba prosesu tuir mai.
"Segundu ami hanoin katak, maske iha ema na'in rua sei tuir mai hodi halo servisu ne'e bele la'o di'ak liu tán, tanba agora na'in tolu mak mai uluk ona, nune’e na'in lima mak sei hala’o servisu ne’e atu bele la'o di’ak liu tán, depois ita sei halo diskusaun molok halo servisu no halo relatóriu husi ekipa levantamentu", nia dehan.
Nune'e, ekipa tékniku espesializada, Henrique Zujas hatete, sira na'in tolu prontu ona atu halo servisu ne'ebé mak SEKOOP koordena ho sira durante loron sanulu resin lima (15).
"Ohin konsege ami na'in tolu mai atu hahú halo programa SEKOOP nian iha Timor-Leste", nia deklara.
Maske, sei iha dezafiu boot ba sira nia sirkulasaun servisu iha Timor laran tomak, maibé espera halo servisu ida di'ak hodi aprezenta relatóriu durante halo levantamentu dadus.
Antes ne'e, Sekretáriu Estadu Kooperativa SEKOOP, Elizário Ferreira hatete, sira sei halo levantamentu dadus hodi halo produsaun ba medisina verde iha Timor-leste atu produz ai-horis ne'ebé produz ba ai-moruk atu komunidade sira konsumu. (*)