Sekretáriu Estadu Kooperativa (SEKOOP), Elizário Ferreira, afirma, kooperativa hotu presiza hetan formasaun hodi divulga informasaun atu kreativu liu hodi kontribui ba ekonómia kresimentu iha Timor-Leste.
"Semináriu ne'e, ho objetivu atu divulga informasaun kona-ba kooperativa dezenvolvimentu kooperativa no kontribuisaun kooperativa nian ba dezenvolvimentu ekonómia nasionál no liu-liu oinsá mak kreativu liu t’an hodi kontribui kresimentu nasaun nian", dehan nia iha Salaun Universidade ETCI Ermera (01/12)
Nune’e, husu ba membru no dirijente kooperativa hotu iha Timor-Leste atu kontinua hatudu vontade, ideia kreativu no inovativu, hodi kontribui ba ekonómia família no sosiedade iha Timor-Leste.
Sorin seluk, Vise Minístru Komérsiu no Industria (VMTKI), Domingos Lopes Antunes mós hatete, misaun governu nian hakarak haforsa nafatin setór kooperativa atu hasa’e kresimentu nasaun nian.
"Iha esforsu lubuk ida ita halo, importante liu área ekonómia iha setór privadu no kooperativa, ita hakarak kooperativa tenke forte, kreativu, dinámiku, atu hatan ba programa sira husi governu", nia dehan
Semináriu ne'e, oradór mai husi, Vise Minístru Komérsiu Turizmu no Industria ne'ebé ko'alia kona-ba kadeia de valor, Sekretáriu Estadu Kooperativa (SEKOOP), Elizário Ferreira ko’alia dezenvolvimentu kooperativa ekonómia, José Filipe Quintas husi USAID lori topiku oinsá dezenvovimentu setór kooperativa iha área turizmu no Asesór Legal (SEKOOP), Roberto Jerónimo lori topiku kona-ba desiminasaun dekretu lei kooperativa komerisalizasaun peskas no agrikola. (*)