Login to your account

Username *
Password *
Remember Me

Parlamentu Nasionál Lakohi Altera Lei Pensaun Vitalísia

Edifisiu Parlamentu Nasional. Edifisiu Parlamentu Nasional. Foto Suplay

Tempotimor (Dili)-Parlamentu Nasionál (PN) deside lakohi halo alterasaun ba Lei Pensaun Vitalísia ne'ebé kritika makas husi manifestante Aliansa Maubere Nasionál (AMN), tanba lei ne’e mosu desde iha primeira lejislatura kedan.

"Bankada parlamentares hamutuk ho prezidente parlamentu nasional hasoru reprezentante manifestante sira, eh sira hato'o buat hat, husu atu PN bele tau matan ba lei pensaun vitalísia, ha'u atu ko'alia loloos de'it, lei pensaun vitalísia ne'e la'os tur-tur deputadu ida mak halo la'e, lei ne'e mai kedan husi primeira lejislatura, nune'e maka dala-ida tán parlamentu nasionál la konkorda atu revoka lei ne'e", dehan reprezentante husi Prezidente Parlamentu Nasional (PPN), António Verdial iha resintu PN, kuarta (23/11).

Tanba, moris iha estadu diretu demokrátiku ida, sei kumpre de'it lei ne'ebé vigora, nune’e parlamentu nasional firme sei defende lei pensaun vitalísia ida-ne'e vigora nafatin.

Maske reprezetante manifestante halo ona audensia ho prezidente parlamentu nasionál inklui lider bankada parlamentár hotu, hodi kestiona kona-ba lei pensaun vitalisia inklui hato'o mos lamentasaun kona-ba dekretu lei númeru 5/2006 ne'ebe regula distánsiamentu entre manifestasaun sira ho instituisaun públika ho nia naruk metru 100.

Maibé, parlamentu nasional laiha konkordansia ba ejizensia ida-ne'e, tanba Timor-Leste hanesan nasaun demokratiku, tenke iha regra, hodi kria estabilidade ne'ebé sustentavél no Lei ne'e rasik la hamate liberdade espresaun iha TL.

Durante enkontru, manifestasaun ejize PN atu haree ba asuntu edukasaun, asuntu saúde, asuntu agrikultura, reprezentante povu na'in-65 iha parlamentu nasional la'os halo sasan tuir hakarak.

Tanba, orgaun soberanu hat iha RDTL ne'e iha ninia lala'ok servisu, aktu no atetude, la manda malu, maibé iha ninia servisu administrativu no tátika operasionál ne'e interdependensia no suporta malu.

Nune’e, larlamentu orgaun soberanu daruak, iha dever morál, atu rona, haree no observa halerik ne'ebé mai husi povu, maibé dezenvolvimentu kona-ba Orsamentu Jerál Estadu (OJE) tinan 2023, governu aprezenta bazeia de'it ba lei enkuadramentu orsamentál nomos lei grande opsoens ne'ebé aprezenta ona ba PN.

Reprezentante Manifestante AMN Minguel Monseil, hatete, dadaun lei pensaun vitalisia kuaze bankada hotu mos konsidera, maibé deputadu sira dehan, difisil atu muda ou altera bainhira partidu ida la manan maioria.

Maibe nia konsidera deklarasaun deputadu sira nian ne’e, hanesan kari rai rahun ba povu, tanba tuir loloos partidu hotu ne'ebe asentu iha palarmentár iha hanoin atu muda, entaun fasil.

"Tanba ne'e sira konsidera de'it ida-ne'e, ita akompaña sira-nia konsiderasaun ne'e to'o iha ne'ebé", nia afirma.

Ho ejizensia hotu ne'ebe hetan rejeita husi Parlamentu maka Aliansa Maubere Nasional prontu rejisti atu kontinua hala'o mnifestasaun iha UNTL oin durante fulan rua nia laran. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter