"Ho intervensaun lejislativa ida-ne’e atu atinji espansaun setór privadu, nu’udar motor prinsipál ba kreximentu ekonómiku no atu hamenus dezempregu, liuhusi hadi’a ambiente negósiu, diversifikasaun baze ekonómika nasionál no promosaun inkluzaun sosiál no ekonómika," dehan Ministru Prezidensiál Konsellu Ministru, Fidelis Manuel Leite Magalhães, iha palásiu governu, kuarta (26/10).

Tanba ne’e, prevee kriasaun Konsellu Dezenvolvimentu Emprezariál, inklui entidade governamentál relevante oin-oin ba matéria ne’e, ne’ebé sei sai responsavel ba kriasaun no expansaun empreza sira, programa formasaun nian no sentru sira dezenvolvimentu emprezariál nian.

Konsellu ida-ne’e, ninia misaun mós atu dezenvolve programa espesiál sira atu promove revitalizasaun ba Empreza ki’ik no Média nasionál sira.

Koordenasaun no implementasaun polítika ida-ne’e, sei responsabiliza husi membru Governu ne’ebé responsavel ba área koordenasaun asuntu ekonómiku, ne’ebé kolaborasaun ho membru Governu sira-seluk iha área relevante ba dezenvolvimentu iha setór privadu. (*)