Login to your account

Username *
Password *
Remember Me

MAPKOMS Implememta Atividade Naroman Ba Suku iha Bubususu

Ministru ba Asuntu Parlamentár no Komunikasaun Sosiál (MAPKOMS), Francisco Martins da Costa Pereira Jeronimo, hala'o hela diskursu iha ámbitu diálogu ho komunidade iha Suku Bubususu, sábadu (06/08). Ministru ba Asuntu Parlamentár no Komunikasaun Sosiál (MAPKOMS), Francisco Martins da Costa Pereira Jeronimo, hala'o hela diskursu iha ámbitu diálogu ho komunidade iha Suku Bubususu, sábadu (06/08). Foto Suplay

Tempotimor (Dili)-Ministru ba Asuntu Parlamentár no Komunikasaun Sosiál (MAPKOMS), Francisco Martins da Costa Pereira Jeronimo, kontinua implementa atividade naroman ba suku iha suku Bubususu, Postu Administrativu Fatuberliu, Munisípiu Manufahi.

Iha atividade Naroman ba Suku ne'e rasik prevee iha ona programa MAPKOMS nian ne'ebé hanaran "Governu iha povu nia leet" no nia prinsípiu mak atu diálogu ho komunidade atu rona preokupasaun, sujestaun, inklui buka hatene saida mak komunidade sira iha no saida mak sira laiha.

“Tanba ne'e MAPKOMS nia programa ne'ebé importante mak Governu tenke iha komunidade sira-nia leet, liu husi diálogu”, dehan Ministru Francisco Martins da Costa Pereira Jeronimo hafoin diálogu ho komunidade iha Suku Bubususu, sábadu (06/08).

Tanba objetivu prinsipál husi Governu ba dezenvolvimentu rai ida-ne'e mak ema no ema mak sai sentru ba dezenvolvimentu Nasionál ho nune'e Governu hakarak hasai povu ida ne'e husi izolamentu.

Nune'e diálogu ida-ne'e bele mós hari’i sentru ba informasaun iha suku, atu nune'e suku bele hetan informasaun oinsá mak bele sai husi izolamentu.

Xefe Suku Bubususu, Estanislao Borges hatete, nia parte sente haksolok no lori komunidade Suku Bubususu nia naran hato'o benvindu ba vizita husi MAPKOMS inklui Membru Governu sira tanba foin ba dahuluk mai vizita suku refere.

Iha atividade diálogu komunitária ''naroman ba suku'' ne'e hetan partisipa husi reprezentante Ministériu administrasaun estatál, Solidariedade, Saúde, SEKOOP, Administradór no Komandante PNTL Munisipiu Manufahi, autoridade lokál inklui komunidade sira. (*)

Rate this item
(1 Vote)
Last modified on Monday, 08 August 2022 15:45
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« September 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter