Login to your account

Username *
Password *
Remember Me

Ékipa MOP Verifika Hikas Estrada Kelikai ba Ossu

Ékipa tekníku sukat hela estrada iha Postu Kelikai.   Ékipa tekníku sukat hela estrada iha Postu Kelikai. Foto Suplay

Tempotimor (Baukau)-Ministéru Obras Públika (MOP) liuhusi ékipa tekníku halo verikasaun hikas ba estrada diresaun Postu Administrativu Kelikai Munisípiu Baukau ba Postu Ossu Munisípiu Vikeke.

Re-verikasaun ne'e hahú husi Suku Abafala Postu Kelikai to'o área Defalasi Suku Nahareka Postu Ossu, ne’ebé ho kilo-metru 28.

"Re-verifikasaun, tanba data iha tiha ona, ita nia design (estrada Kelikai ba Ossu) iha tiha ona, ita tauk tempu mais avansadu keos ida, uma ruma mosu fali, ida ne'e mak sira ba re-verifika fali, atu haree update fila-fali," dehan Diretór servisu obras públika Baukau, Pedro Alexandre Guterres via telefone, tersa (02/08).

Konstrusaun ba estrada refere dadaun iha hela prosesu aprovizionamentu no tuir planu iha fulan-setembru tinan-2022 hetan ona rezultadu final.

Administradór Postu Administrativu Kelikai, Mateus Soares Cabral, haktuir, ékipa tekníku halo ona re-verikasaun hodi hato'o dadus ba nasionál hafoin halo públikasaun no implementa servisu iha fulan-setembru ka outumbru tinan-2022 nia laran.

"Ne'e nesesidade duni, konsidera estrada rejional, tanba liga ho Munisípiu Vikeke mai Baukau bele fasilita movimentu komunidade lori produtu ba merkadu," dehan nia

Konstrusaun estrada diresaun Postu Kelikai-Ossu remata, sei fasilita komunidade husi Suku 15 iha Kelikai hamutuk 29.000 inklui Suku seluk husi Ossu Vikeke, tanba ne'e husu Governu atu aselera prosesu. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« October 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter