“Iha PD nia office ami ko'alia programa lubuk ida ne'ebé mak durante ne'e Austrália fó apoiu ba Timor-Leste imi hotu hatene ne'e hanesan nasaun ida ne'ebé mak besik liu ita e nasaun maun alin buat barak ne'ebé mak apoiu iha ne'e e apoiu antes ita independénsia depois ita independénsia Austrália kontinua apoiu tanba ne'e, ohin mai iha ne'e hanesan kolega hanesan maun alin hanesan mós nasaun ida ne'ebé mak konsisténsia ba programa ba futuru”, dehan Marianu iha sede PD, Komera, sesta (24/06).

Aliende ne’e ko'alia mós kona-ba traballadór  sira ne'ebé ba Austrália, apoiu Governu Austrália ba agrikultura, peskas pekuária, sidadaun hotu hatene foin dadaun laboratóriu ida ne'ebé mak mikro laboratóriu nukleu laboratóri ne'ebé mak halo ba agrikultura ne'e importante tebes para atu estabelese sanitáriu ho pito-sanitaria sistem, parte ida ba VTO nian, parte ida nian kritéria ba VTO nomos parte ida importante bele tama ba ASEAN no suporta husi Austrália ba programa agrikultura.

“Tempu ha’u sai ministru iha ne'eba mós apoiu lubuk ida iha ne'eba e ko'alia mós kona-ba saida mak ita presiza halo para Timor-Leste ninia ekonomia ba futuru e uluk ita mós ho Austrália servisu kona-ba oinsá dezenvolve tasi Timor arafura ne'ebé mak iha ita iha City a  kura triangulu nu’udar ativu, observadór ba ida-ne'e”, afrima nia.

Tanba ne'e, mak servisu lubuk ida, embasiadór halo vizita atiu hato’o no PD hato'o nia komitmentu atu apoiu nafatin ba programa sira ne'ebé iha ba dezenvolvimentu Timor-Leste.

Embaisada Austrália iha Timor-Leste, Bill Costello hatete, vizita ne’ebé halo ba Partidu Demokrátiku (PD) atu hatene di’ak liután partidu ne'e nomós hanesan nasaun viziñu buka hatene hanesan embaisada foun, introdusan no buka problema sira ne'ebé iha bele kontinua komprende mós parte husi komusaun D nian servisu sira nomós preparasaun sira ne'ebá lao hela.

Hanesan Prezidente Partidu hanesan mós Eis Ministru Agrikultura interese barak iha área agrekultura ko'alia hamutuk kona-ba área sira komparasaun kultura nian hanesan programa tomak ho sira seluk ne'ebé iha nomós ko'alia liu kona-ba seguransa marítima no peska ilegál sira nomós Austrália nia apoiu ba ró funu rua ne'ebé klase verdiál atu mai iha tinan 2023. (*)