Tanba, hanesan kandidatu ba PR ho optimista, haree husi sondajen ne'ebé laiha kritéria klaru, parte ida operasaun sistemátika atu bele destroi prosesu demokrátiku.
"Ha'u optimista maske haree husi Sondajen ne'ebé nia kritéria klaru saidá tebes-tebes, ba ha'u buat ida de'it, rezultadu mak la tuir Sondajen ne'e signifika Sondajen ne'e parte ida husi operasaun sistemátika atu bele destroi prosesu demokratiku ida ne'e, ne'e duni ba ha'u optimista tebes-tebes povu nia determinasaun," dehan hafoin vota iha Suku Bahu Baukau, sabadu (19/03).
Tuir nia, bainhira laiha kandidatura ida mak manán iha ronde dahuluk ne’e, povu fó lisaun ida atu aprende ístoria.
"Vitória iha tiha ona, pur ke povu mak deside, vitoria iha povu nia liman, agora hotu-hotu ko'alia, dehan vitoria ronde pertama, se ronde pertama la vitória, povu fó ona lisaun boot ba ita atu aprende husi istória," dehan nia
Nasaun Timor-Leste harii husi povu nia determinasaun liuhusi eleisaun mesmu durante kampaña kandidatu balun ko’alia barak liu kona-ba lider istóriku, maibé la’os sira de'it mak halo istória.
“Ha’u hanoin, ita ba segundu ronde mak ita haree oinsá perferensia povu nian,” nia hatete
Nune’e, husu mós ba kandidatura hotu hatudu maturidade polítika hodi respeita povu nia dezisaun. (*)
