“Ha'u kontente los ho bainhira halo akompañamentu hanesan vise Ministru Interior halo akompañamentu ba kampaña tomak embora iha insidente ki’ikoan-ki’ikoan mais numa forma jerál ne'e la'o di'ak hotu ha'u kontente”, dehan PM Taur hafoin hasoru Malu ho PR Lú Olo iha Palasíu Prezidensiál Bairupite, kinta (17/03).

Tanba ne’e, husu ba populasaun sira atu kontinua nafatin koopera no sira la bele haluhan mensajen wainhira vizita minisípiu sira kontribui ba estabilidade no seguransa atu kampaña no eleisaun prezidensiál bele la'o di'ak.

“Segundu mak aumenta de taxa partisipisaun ita-nia, tanba rua ne'e ajuda maka’as no refleta iha avaliasaun dezenpeñu demokrátiku pais ida nian”, afirma nia.

Wainhira ema hotu fó kontribuisaun di'ak, hodi partisipi eleisaun ho di’ak fó privileziu boot ba nasaun Timor-Leste.

“Tanba ne'e ha'u husu para aumenta taxa partisipasaun e sidadaun hotu ne'ebé bele halo esforsu para vota no hili kandidatu sira ne'ebé kandidata-an ba Prezidente Repúblika periódu 2022-2027”, deklara Taur. (*)